काठमाडौंमा चिकित्सामाथि भएको हातपातप्रति घोर भत्सना गर्दै डाक्टरहरुले गरे विरोध

प्रकशित मिति : २० जेष्ठ २०७७, मंगलवार १५:३६

महेन्द्र सिंह
बाँके जेठ २० कोहलपुरमा रहेको नेपालगञ्ज मेडिकल कलेज शिक्षण अस्पताल कोहलपुरमा कार्यरत डाक्टरहरुले चिकित्सामाथि हातपात गरीएको घटनाप्रति विरोध जनाएका छन् । काठमाण्डौ स्थित नेपाल मेडिकल कलेज, जोरपाटीमा यही जेष्ठ १४ गतेका दिन चिकित्सामाथि हातपात गरेकोप्रति घोर भत्सना गर्दै विरोध जनाएका हुन् ।
नेपालगञ्ज मेडिकल कलेजका उपनिर्देशक डा.दिनेश श्रेष्ठले विश्वमा फैलिएको कोरोना भाइसरसंग लड्नका लागि खटिरहेको चिकित्सामाथि हातपात गर्ने व्यक्तिलाई तुरुन्त कार्यवाही गर्नुपर्नेमा माग गरेको बताए । उनका अनुसार यस्तो समयमा विरामीलाई बचाउन सकिन्न भन्दै कुटपिट प्रति नेपालका सम्पूर्ण चिकित्सकहरुले विरोध गरिरहेका छौं । नेपाल सरकारले घटना घटेको छैटौ दिन वित्तिसक्दा समेत अझै घटना संलग्न रहेको दोषिलाई कारवाही नरेको भन्दै हामीले विरोध जनाएका हौं उनले भने ।
यस्तै विरोध कार्यक्रममा बोल्दै डाक्टर देवेन्द्र आचार्यले विश्वमा भएका डाक्टरहरुले अहिलेको कोरोनासंग लडिरहेका छन् र हामी पनि लडिरहेका छौं । यस्तो आक्रान्त समयमा हामीलाई लङ्गडो नबनाइयोस् भन्दै नेपाल सरकारलाई आव्हान गरेका छन् । घटना घटेको छैटौ दिन वित्तिसक्दा समेत अहिलेसम्म घटनामा दोषिलाई कार्वाही गरिएको छैनन तर अझै पनि दोषिलाई कार्वाही नगरेको खण्डमा अझै आन्दोलनलाई शसक्त रुपमा अगाडि लैजाने समेत चेतावनी दिएका थिए । डर, त्रास, भयभहको अवस्थामा डाक्टरहरुले विरामीको उपचार कसरी गर्ने सक्छन् त्यसैले नेपाल सरकारले स्वास्थ्यकर्मीहरुको सहज रुपमा विरामीको उपचार गर्ने वातावरण गराउने समेत आग्रह गरेका थिए ।