दाङको घोराहीमा बिद्युत महशुल बुझाउने सर्वसाधारणको भीड

प्रकशित मिति : २२ जेष्ठ २०७७, बिहीबार १७:३७

एबिसी संचार
दाङ कोरोना भाइरस रोकथाम तथा नियन्त्रणकालागि सरकारले सरकारले घोषणा गरेको लकडाउनका कारण करिव दुई महिनादेखि सुनसान बनेको नेपाल विद्युत प्राधिकरण घोराही शाखामा विहिवार सर्वसाधारणको थामिनक्नु भीड भएको छ ।
लामो समयसम्म विद्युत महशुल तिर्न नपाएका ग्राहकहरु आएपछि कार्यालयमा भीड बढेको छ । विद्युत प्राधिकरणमा गेटमा देखिएको सर्वसाधारणको भीडभाडले लकडाउन हटेको झै आभास दिएको छ ।
सर्वसाधारणलाई लामो समयसम्म विद्युत महशुल तिर्न नपाउदा विद्युत कार्यालयले जरिवना गर्ने हो भन्ने डरका कारण लकडाउनकै समयमा भीड बढेको नेपाल विद्युत प्राविधिकरण घोराही शाखाका सुपरभाइजर भोजराज शर्माले जानकारी दिएका छन ।
अन्य दिनहरुमा केही मानिसहरु आउने गरेपछि आज धेरै मानिसहरु विद्युत महशुल तिर्नका लागि आएर लाइनमा बसेको सुभरभाइजर शर्माले जानकारी दिएका छन ।

प्रकशित मिति : २२ जेष्ठ २०७७, बिहीबार १७:३७