एबिसी क्राइम ब्युरो दाङ लागुऔषध ब्राउन सुगर सहित प्रहरीले तुलसीपुर उद्योग बाणिज्य संघको एम्बुलेन्सलाई नियन्त्रणमा लिएको छ । कोहलपुरबाट तुलसीपुर तर्फ आउँदै गरेको रा १ च ३८९ नम्बरको एम्बुलेन्सलाई तुलसीपुर–अमिलिया सडकको दमारगाउँमा बिहिबार राती आठ बजे चेकजाँच गर्ने क्रममा ब्राउनसुगर फेला परेपछि एम्बुलेन्स सहित तीन जनालाई नियन्त्रणमा लिएको हो ।
प्रहरीको अनुसार पक्राउ पर्नेमा एम्बुलेन्स चालक दंगीशरण गाउँपालिका–६ श्रीगाउँ निबासी तिलक विक, घोराही उपमहानगरपालिका– बडहरा निबासी २३ बर्षका शंकर पुन र तुलसीपुर उपमहागनरपालिका– ५ निबासी १७ बर्षकी दिपा थपा रहेका छन । प्रहरीले युवायुवितको साथबाट करिब ६/७ मिलिग्राम ब्राउनसुगर बरामद गरेको छ । उनिहरु नक्कली बिरामी भई कोहलपुर गएर ब्राउनसुगर खरिद गरेर आएको ।
तुलसीपुरमा एम्बुलेन्समा ब्राउनसुगर फेला पर्ने दोस्रो घटना हो । केहि बर्ष अघि तुलसीपुरको गुम्राह चोकबाट पनि प्रहरीले ब्राउनसुगर सहित एम्बुलेन्सलाई नियन्त्रणमा लिएको थियो ।
ईलाका प्रहरी कार्यालय तुलसीपुरका प्रहरी प्रमुख डिएसपी शिव बहादुर सिहले अवैध लागुऔषध ओसार पसार तथा विक्रिवितरणलाई एक महिनामै नियन्त्रण गर्ने प्रतिवद्धता व्यक्त गरेको दुई दिन नपुग्दै प्रहरीलाई यस्तो सफलता मिलेको हो ।

सम्बन्धित

बाँके प्रहरीले ब्राउन सुगरसहित एकजना पक्राउ

नेपाल पत्रकार महासंघको नयाँ अध्यक्षमा विपुल पोख्रेल निवार्चित

बाँके प्रहरीले रेडपाण्डाको छालासहित ४ जना पक्राउ

दाङको देउखुरी राजपुरमा आगलागी हुँदा लाखौंको नोक्सान

ज्ञानज्योती माध्यमिक विद्यार्थीले गरे सरसफाइ र राहत वितरणबाट

बर्दिया एसपी ईश्वर कार्की प्रवल जनसेवाश्रीद्वारा बिभुषित सम्मानित