एबिसी संचार
लम्की मङ्गलबार भारतका विभिन्न ठाँउहरुबाट सुदूपश्चिमका दुई मुख्य नाकाबाट दुई हजार ९३० नेपाली नागरिक नेपाल भित्रिएका छन् भने ५४२ भारतीय नागरिक बाहिरिएका छन् ।
जिल्ला प्रहरी कार्यालय, कञ्चनपुरका प्रहरी नायब निरीक्षक अम्मर थापाका अनुसार मङ्गलबार गड्डाचौकी नाकाबाट ४२३ नेपाली नागरिक भित्रिएका छन् भने १८३ जना भारतीय नागरिक बाहिरिएका छन् । उक्त नाकाबाट प्रवेश गर्नेको संङ्ख्या घट्दैगएको छ । त्यसैगरी, कैलालीको गौरीफन्टा नाकाबाट भित्रिनेको सङ्ख्या सोमबारको तुलनामा केही घटेको छ । जिल्ला प्रहरी कार्यालय, कैलालीका प्रहरी नायब निरीक्षक प्रतिक विष्टका अनुसार उक्त नाकाबाट मङ्गलबार दुई हजार ९३० नेपाली नागरिक भित्रिएका छन् भने ३५९ भारतीय नागरिक बाहिरिएका छन् ।
योसँगै सुदूरपश्चिम प्रदेशका विभिन्न नाका भएर जेठ २ यता करिब एक लाख तीन हजार हाराहारीमा नेपाली नागरिक नेपाल भित्रिएका छन् भने बाहिरिनेको सङ्ख्या करिब १३ हजार पाँच सय पुगेको छ ।
नेपाल भित्रिएका उनीहरू विभिन्न जिल्लाका स्थानीय तहका क्वारेन्टाइनमा बसेका छन् भने केही परीक्षणपछि घर गएका छन् ।गोर्खापत्रबाट

सम्बन्धित

सशस्त्र प्रहरीले स्रोत नखुलेको २ लाख रुपैयाँसहित २ जना भारतीय पक्राउ

नेकपा र कांग्रेस कार्यकर्ताबीच झडप वडाध्यक्षसहित ३ जना प्रहरी घाइते

प्रतिनिधिसभा पुनःस्थापना हुन्छ भन्ने भ्रममा नपर्नुस् : प्रधानमन्त्री ओली

काठमाडौं भक्तपुरबाट २४ जना जुवाडे पक्राउ

ललितपुरको चाँगाथलीमा श्रीमान र श्रीमती घरभित्रै मृत अबस्थामा फेला

साझ र बिहान छक तार्न सडक छैउमा ब्यापार गर्नेहरुमाथि नगर प्रहरीको दमन