तेलको ट्यांकरमा मदिरा तस्करी गर्ने दुई जना पक्राउ

प्रकशित मिति : २८ जेष्ठ २०७७, बुधबार २३:२१

एबिसी संचार
पर्सा भन्सार छली चोरी निकासी गरी भारततर्फ लैजाँदै गरेको विभिन्न ब्रान्डका मदिराहरु सहित वीरगंज महानगरपालिका-१६ रजतजयन्ती चोकबाट दुई जनालाई बुधबार प्रहरीले पक्राउ गरेको छ ।
पक्राउ पर्नेहरुमा ना.२ ख ७३७५ नम्बरको तेल ट्यांकरका चालक मकवानपुर हेटौंडा उपमहानगरपालिका-१६ बस्ने ४७ वर्षीय सन्दिप थिङ र सोही उपमहानगरपालिका-२१ बस्ने सहचालक २२ वर्षीय राधे बुढाथोकी रहेका छन् ।
उक्त ट्याङ्करबाट गोल्डेन ओक (क्वाटर) ४८ थान, नेपाल आईस बियर (क्यान) २४ थान, सिग्नेचर (क्वाटर) ३३ थान, ८८४८ भोड्का (क्वाटर) २८ थान प्रहरीले बरामद गरेको हो ।
विश्वमै महामारीको रुपमा फैलिएको कोरोना भाईरस नियन्त्रण तथा रोकथाम गर्न नेपाल सरकारले आह्वान गरेको लकडाउनको मौका पारी उक्त ट्यांकरमा ती मदिराहरु राखेर राजश्व छली चोरी निकासी गरी भारततर्फ लैजाँदै गरेको अवस्थामा फेला पारी जिल्ला प्रहरी कार्यालय पर्साबाट खटिएको प्रहरीले उनीहरुलाई पक्राउ गरेको हो ।