एबिसी संचार
दाङको पश्चिम हापुरेमा ३९.५ क्यूफिट (२७ थान) सालको काठा बोकेको बस भाग्न खोज्दा दुर्घटनामा परेको छ । बबई गाउँपालिका वडा नं. ३ हंसपुरबाट हापुरेतर्फ जाँदै गरेको ग १ ख ७७०३ नम्बरको बस शनिबार विहान दुर्घटनामा परेको हो ।
हसंपुर पीसीओ चोकमा दुर्घटना परेको ईलाका प्रहरी कार्यालय तुल्सीपुरका प्रहरी प्रमुख डिएसपी शिव बहादुर सिंहले जानकारी दिनुभएको छ ।
चेकजाँच गर्ने क्रममा भाग्न खोजेपछि दुर्घटनामा परेको हो । बसमा चालक सहित चार जना रहेको र उनीहरु सबै फरार रहेको प्रमुख केसीले बताए । उनीहरुको खोजी कार्य भइरहेको छ ।
त्यस्तै दुर्घटना भएको बस हंसपुरकै स्थानीय चुर्ण बहादुर बोहराको भएको र बस बोहराले नै चलाएको प्रहरीले जनाएको छ । घटना स्थलमा वन कार्यालयका कर्मचारी समेत पुगिसकेको डिएसपी सिंहले बताए । घटनाको विषयमा थप अनुसन्धान भईरहेको छ ।