प्रकशित मिति : १ असार २०७७, सोमबार ०६:००

महेन्द्र सिंह
बाँके प्रहरीले ९ जनामाथि मुद्दा चलाएको छ । ट्रयाक्टरमा अबैधरुपमा बालुवा चोरी निकासी गरि ल्याउदै गरेका चालकसहित ९ जनामाथि मुद्दा चलाएको हो ।
बाँके डुडुवा गाउँपालिका वडा नम्बर–४ को बाटो हुदै केही मानिसहरु अवैध बालुवा चोरी निकासी गरेको भन्ने सूचनाको आधारमा बाँके प्रहरीले उनीहरुलाई नियन्त्रणमा लिएको बाँके प्रहरीद्वारा जारी विज्ञप्तीमा उल्लेखछ ।
आईतबार बिहान १ बजे बाँकेको डुडुवा गाउँपालिका वडा नम्बर ४ साहपुर्वाबाट बालुवा चोरी निकासी गरि ल्याउदै गरेका ट्रयाक्टर चालक सहित ९ जनालाई नियन्त्रणमा लिदाँ सुरक्षाकर्मीमाथि उनीहरुले अभद्र ब्यवहार गरेका थिए ।
साहपुर्वाबाट भे १ त ४५८, भे १ त ५२७० र भे १ त ८१५७ नम्बरको ट्रयाक्टरमा अवैधरुमा बालुवा चोरी निकासी गरि ल्याउँदै गरेको बालुवासहित ट्रयाक्टर नियन्त्रणमा लिएको जिल्ला प्रहरी कार्यालय बाँके अन्र्तगतका मुद्दा शाखा प्रमुख प्रहरी निरीक्षक हृदेश सापकोटाले बताए ।
उनका अनुसार ती ब्यक्तिहरुलाई नियन्त्रणमा लिई सोधपुछ गर्दा उनीहरुले प्रहरीमाथि अभद्र ब्यवहार गरेपछि बाँके प्रहरीले उनीहरुलाई अभद्र ब्यवहार कुसुरमा अनुसन्धान गरि मुद्दा चलाएको हो ।
यद्यपी बाँके प्रहरीले तीनवटा ट्रयाक्टरका चालक र थप ६ जना गरि ९ जनालाई नियन्त्रणमा राखेकोछ । नियन्त्रणमा लिइएको ट्रयाक्टर तथा बालुवालाई आवश्यक कारबाहीका लागि जिल्ला समन्वय समिति बाँकेमा बुझाइएकोछ ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com