महेन्द्र सिंह
बाँकेको अगैयास्थित सिक्टा सिचाईको मुख्य बाँधबाट टयाक्टर राप्ती नदीमा दुर्घटना भएको छ । ट्याक्टरसँगै त्यसमा सवार दुईजना पनि नदीमा खसेको र एकजना भने आफै पौडी खेलेर बाँच्न सफल भएको प्रहरीले जनाएको छ । ना ७ त ५१८ नम्बरको टयाक्टर बाँकेको राप्ती सोनारी ३ बाट अगैया तर्फ आउँदै गर्दा पुलको बीचभागबाट आफै उछिट्टिएर नदीमा खसेको प्रत्यक्ष दर्शीले बताएकाछन् ।
ट्याक्टर ठोकिएर बाँधको ४ वटा रेलिङ भाँचिएको बताईएको छ । बाँधको ढोका तर्फ ट्याक्टर खसेको र पानीको सतह गहिरो भएकाले खसेकै स्थानमा टयाक्टर अड्किएको हुन सक्ने ईलाका प्रहरी कार्यालय कोहलपुरका प्रहरी प्रमुख डिएसपी कुल दिप चंन्दले जानकारी दिए । बाँकेको समशेरगञ्जबाट शसस्त्र प्रहरीको गोताखोर टोली घटनास्थलमा पुगेर खेजीकार्य सुरु गरेको डिएसपी चंन्दले बताए।
