२१ मंसिर २०८०, बिहिबार
07-12-2023 , Thu
×

दाङमा रिपोर्ट नआउँदै घर पठाइएका १७ जनामा कोरोना पुष्टि

Logo
प्रकाशित सोमबार, आषाढ ०१, २०७७

एबिसी संचार
दाङ घोराही उपमहानगरपालिकाका दुई क्वारेन्टाइनमा बसेका १७ जनामा घर पठाइएपछि कोरोना पुष्टि भएकाे छ । घोराही उपमहानगरपालिका–१७ स्थित चौघेरा क्वारेन्टाइनमा बसेका १३ र प्रावि क्वाडीमा बसेका ४ जनामा घर गइसकेपछि कोरोना पुष्टि भएको हो । वडा कार्यालयले लापरबाही गरेको भन्दै स्थानीयले विरोध गरेका छन् । उनीहरुले वडा कार्यालयमा भेला भइ ध्यानाकर्षण गराएका थिए ।
भारतबाट आएर क्वारेन्टाइनमा बसेकालाई जेठ २८ गते रिपोर्ट नआउँदै घर पठाइएको थियो । उनीहरूको जेठ २१ गते पीसीआर टेस्टको लागि स्वाब संकलन गरिएको थियो । स्वाबको रिपोर्ट आउन ढिला भएपछि क्वारेन्टाइनमा बस्नेहरूले घरमा सुरक्षित बस्ने गरी जान पाउनुपर्ने माग गरेका थिए । त्यसपछि उनीहरूलाई घर जान दिइएको थियो ।
राप्ती स्वास्थ्य विज्ञान प्रतिष्ठान घोराहीमा गरिएको पीसीआर परीक्षणमा आइतबार १७ जनामा कोरोना संक्रमण पुष्टि भएको थियो । प्रतिष्ठानले यसको रिपोर्ट अझै सार्वजनिक गरेको छैन । वडालाई भने आइतबार नै जानकारी दिइएकोले संक्रमितलाई खोजेर आइसोलेसनमा पठाएको नगर प्रमुख नरूलाल चौधरीले बताए ।
स्वास्थ्य मन्त्रालयको परिपत्र अनुसार २२ दिनसम्म क्वारेन्टाइनमा बसेर कुनै लक्षण नदेखिएकालाई घरमा सुरक्षित बस्ने गरी पठाइएको उनले बताए । उनीहरूको ट्रेसिङ गर्ने काम भइरहेको चौधरीले जानकारी दिए । ‘लामो सयमसम्म रिपोर्ट नआएपछि र उनीहरुमा कुनै लक्षण नदेखिएपछि छलफल गरेर घरमा सुरक्षित बस्ने गरी पठाइएको हो,’ चौधरीले भने,‘कतै पनि ननिस्केर घरमै बस्ने गरी पठाइएको हो । कतै गए नगएको बुझ्ने र ट्रेसिङ गर्ने काम भइरहेको छ ।’

कमेन्ट गर्नुहोस्
सम्बन्धित

(एबिसि संचार )                                                        प्रहरीले काठमाडौँको जडिबुटीबाट चोरी गरेको आरोपमा एक युवकलाई पक्राउ गरेको छ । काठमाडौँ उपत्यका अपराध अनुसन्धान कार्यालयबाट खटिएको प्रहरी टोलीले काभ्रेपलाञ्चोक तिमाल ७ स्थायी घर […]

(एबिसि संचार ) प्रहरी महानिरीक्षक बसन्तबहादुर कुँवर इन्टलपोलको ९१औं महासभामा सहभागी भएर स्वदेश फिर्ता भएका छन् । उनी अन्तराष्ट्रिय प्रहरी संगठन (इन्टरपोल)को सचिवालयले मंसिर १२ देखि १५ गतेसम्म आयोजना गरेको महासभामा सहभागी हुन अष्ट्रियाको भियना गएका थिए । उनीसँगै महासभामा सहभागी भएका इन्टरपोल शाखा प्रमुख प्रहरी उपरीक्षक अनुपम शमशेर जबरासहितको टोली पनि स्वदेश फिर्ता भएको […]

(एबिसि संचार )                                                              खेतान समूहअन्तर्गतको सरस बेभरेजेजले थाईल्याण्डको लोकप्रिय इनर्जी ड्रिंक्स रेड्बुल नेपालको नवलपुरको अमरापुरीमा आफ्नै फ्याक्ट्री स्थापना गरी उत्पादन तथा बिक्रिवितरण सुरुवात गरिएको जानकारी […]