१७ जेठ २०८१, बिहिबार
30-05-2024 , Thu
×

बाँकेको क्वारेन्टाइनबाट निको भएर घर जानेहरुको क्रमश सुरु

Logo
प्रकाशित मंगलबार, आषाढ ०२, २०७७

महेन्द्र सिंह
बाँके जिल्लामा कोरोनाबाट निको भएर घर जाने क्रम सुरु हुँदै गएको छ । केही समय अघिसम्म जिल्लाका १०८ वटा क्वारेन्टाइन, १३ वटा आइसोलेसन अस्पताल र सेन्टर भरिभराउ रहेकोमा अहिले आएर अधिकांश क्वारेन्टाइन खाली भैसकेका छन् भने आइसोलेसन पनि रित्तिँदै गएका छन् ।
भारतबाट आउनेहरूको ठूलो सङ्ख्याका कारण करिब १० हजार जनालाई जिल्लाका १०८ वटा क्वारेन्टाइनमा राखिएकोमा परीक्षणको परिणाम नगेटिभ आउँदै गएपछि अहिलेसम्म सात हजार २२१ जनालाई घर फिर्ता पठाइसकिएको स्वास्थ्य कार्यालय, बाँकेले जनाएको छ । कार्यालयका अनुसार अहिले क्वारेन्टाइनमा दुई हजार ७७६ जना मात्र रहेको र उनीहरूको पनि धमाधम परीक्षण भइरहेकोले केही दिनमै सबै घर फर्किने देखिएको छ ।
स्वास्थ्य कार्यालय, बाँकेका कोरोना फोकल पर्सन नरेश श्रेष्ठका अनुसार बाँकेमा ११ हजार ५०० बढीको आरडीटी र पीसीआर परिक्षण गरिएपछि पोजिटिभ देखिएका ३२३ जनामध्ये २०२ जना निको भएर घर फर्किसकेका छन् भने १२० जना पनि निको हुने क्रममा रहेका छन् । कोरानोबाट नरैनापुरका एकजनाको मृत्यु भएको थियो ।
बाँकेमा अहिले छ हजार ४६ जनालाई एकैपटक राख्न सक्ने गरी क्वारेन्टाइनहरूको विस्तार गरिएको तथा ४०३ जनालाई एकै पटक राख्न सक्ने गरी आइसोलेसन अस्पताल र सेन्टरहरू तयार पारिएको फोकल पर्सन श्रेष्ठले बताउनुभयो । भारतबाट आउने क्रम पनि दिनदिनै घट्दै गएकोले क्वारेन्टाइनमा पनि मानिसहरूको चाप क्रमशः घट्दैगएको छ ।
होल्डिङ सेन्टरले सहज
भारतबाट आउने नेपालीहरूको चाप केही समयअघि बढ्दैगएको र उनीहरूको राम्रो व्यवस्थापन गर्न नसकिएपछि कोरोना सङ्क्रमित बढ्न थालेकोले यहाँस्थित सीमानामा होल्डिङ सेन्टरको स्थापना गरेर भारतबाट आउनेहरूलाई व्यवस्थित तरिकाले पठाउन थालिएको छ ।
भारतबाट आउनेहरूको राम्रो व्यवस्थापन गरेर सिधै सम्बन्धित जिल्लामा पठाइकोले नै कोरोनाको सङ्क्रमण समुदायमा फैलिन नसकेको बाँकेका प्रमुख जिल्ला अधिकारी राम बहादुर कुरुम्बाङले बताउनुभयो ।
२५ बेडको सुविधायुक्त आइसोलेसन सेन्टर सञ्चालन
यसैबीच नेपालगञ्जमा २५ बेडको सुविधायुक्त आइसोलेसन केन्द्र सञ्चालनमा आएको छ । बाँके जिल्ला कोभिड १९ सङ्कट व्यवस्थापन समितिले आइसोलेसन केन्द्र सञ्चालनमा ल्याएको हो ।
नेपालगञ्ज उपमहानगरपालिका वडा नम्बर १० आदर्शनगरस्थित नेपाल औद्योगिक विकास निगमको खाली रहेको भवनमा सुविधायुक्त आइसोलेसन केन्द्र सञ्चालनमा ल्याइएको बाँके जिल्ला कोभिड १९ सङ्कट व्यवस्थापन समितिका संयोजक तथा बाँकेका प्रमुख जिल्ला अधिकारी राम बहादुर कुरुम्बाङले बताउनुभयो । केन्द्रमा अन कल डाक्टर, स्वास्थ्यकर्मी, ल्याब सेवा, वाईफाई, टेलिभिजन, योगा लगायतका सुविधाहरू छन् ।

कमेन्ट गर्नुहोस्
सम्बन्धित

(रोशन निधि) बारा । जिल्लाको १६ पालिका मध्ये जीतपुरसिमरा उपमहानगरपालिकाको बेरुजु रकम सबैभन्दा बढी देखिएको छ भने परवानीपुर गाउँपालिकाको बेरुजु सबैभन्दा कम देखिएको छ । १६ वटा पालिका रहेको बारामा सिम्रौनगढ नगरपालिका बाहेकको अन्य १५ पालिकाको कुल बेरुजु रकम ७३ करोड ४७ लाख ३६ हजार रुपैयाँ रहेको छ ।भने महालेखा प्रतिवेदनमा सिम्रौनगढ नगरपालिकाको विवरण उल्लेख […]

(ABC-Sanchar) काठमाडौं । न्युरोड क्षेत्रको पैदलमार्ग विस्तार गर्ने काठमाडौं महानगरपालिकाको निर्णयविरुद्ध बुधबार पनि स्थानीयसहित जनप्रतिनिधिले विरोध गरेका छन् । बिहान ७ बजे नै करिब दुई सय नगर प्रहरीको दलबलसहित काम गर्न पुगेको निर्माण कम्पनी स्थानीयको विरोधपछि फर्किएको छ । उक्त क्षेत्रमा निर्माण कम्पनीलाई काम गर्न नदिन स्थानीयसहित जनप्रतिनिधिले २४सै घन्टा पहरेदारी गरिरहेका छन् । वडा नम्बर २२ का […]

ABC (क्राईमबिट) काठमाडौं । नेपाल प्रहरी अस्पताल महाराजगंज र उपेन्द्र देवकोटा मेमोरियल न्यूरो अस्पताल तथा उपेन्द्र देवकोटा फाउन्डेसन बाँसबारीबीच न्यूरो सेवा आदानप्रदान सम्बन्धी समझदारीपत्रमा हस्ताक्षर भएको छ । प्रहरी महानिरीक्षक बसन्त बहादुर कुँवर र उपेन्द्र देवकोटा मेमोरियल न्यूरो अस्पताल तथा फाउन्डेसनका कार्यकारी अध्यक्ष प्रा.डा. मधु दिक्षित देवकोटाको उपस्थितिमा नेपाल प्रहरी प्रधान कार्यालयमा बुधबार आयोजित कार्यक्रममा […]