सिसहनिया प्रहरी चौकी भवनको शिलान्यास एसपी चंन्दबाट

प्रकशित मिति : २ असार २०७७, मंगलवार २२:०२

बिदुर एमसी
दाङ देउखुरी सिसहनियाँ प्रहरी चौकीमा नयाँ बन्न लागेको भवनको मंगलबार शिलान्यास गरिएको छ । राप्ती गाउँपालिका ५ प्रगतिनगर सिसहनियाँमा रहेको प्रहरी चाैकीमा नयाँ बन्न लागेको भवनको शिलान्यास जिल्ला प्रहरी कार्यालय दाङका प्रहरी प्रमुख एसपी गणेश चन्दले गर्नु भएको छ ।
भाैतिक पुर्वधार निर्देशानालय शाखाबाट यस वर्ष प्राप्त भएको भ्याट सहित १९ लाख रकमबाट पहिलो तल्ला ४ कोठा,दोस्रो तल्ला ४ कोठा र तेस्रो तल्ला २ कोठा गरी १० कोठाको भवन शिलान्यास गरिएको हो । जसमा २ वटा हिरासत कक्ष, १ वटा गार्ड कक्ष, १ वटा इन्चार्ज कक्ष, १ वटा अफिस कक्ष र वाथरूम तथा शाैचालय रहने जिल्ला प्रहरी कार्यालय दाङका प्रहरी प्रमुख एसपी चंन्दले जानकारी दिनुभएको छ। सो बजेटले यस वर्ष जग ढलानको काम मात्र हुने बताएका छन् । बन्न लागेको भवनको साढे १५ मिटर लम्बाई र साढे १० मिटर चौडाई रहेको छ ।