०३ बैशाख २०८१, सोमबार
15-04-2024 , Mon
×

तुल्सीपुर प्रहरीले लागुऔषधसंग जोडिएका व्यक्तिहरुको डाटा संकलन गर्दै

Logo
प्रकाशित बुधबार, आषाढ ०३, २०७७

एबिसी संचार दाङ ईलाका प्रहरी कार्यालय तुल्सीपुरले घटनाको मुख्य पात्रका रुपमा ब्राउनसुगर, गाँजा, टयाबलेट, चरेस, हुक्का तान्ने तथा मादकपदार्थ सेवन गर्ने व्यक्तिहरु नै भएकाले पहिलो चरणमा त्यस्ता व्यक्तिहरुको लगत संकलन गरेको ईलाका प्रहरी कार्यालय तुलसीपुरका प्रहरी प्रमुख डिएसपी शिव सिंहले जानकारी दिए ।
ईलाका प्रहरी कार्यालय तुलसीपुरको तथ्याङ्क अनुसार सबै भन्दा बढी लागुऔषध दुव्र्यसनी बेलुवामा २९ जना छन् ।
त्यसैगरी हेकुलीमा २४ , गोटीखोलामा २३, तुलसीपुरको बसपार्कमा २०, बेलझुण्डीमा १८ , तुलसीपुर बजारमा १५, खाद्रेमा १० , पर्सेनीमा ११ , बिजौरीमा १२ , बागरमा १२ , जसपुरमा ११ , गोल्टाकुरीमा ८, फूलबारीमा ६ र मलवारमा ६ जनागरी २ सय १५ जना लागुऔषध सेवन तथा विक्रीकर्ता रहेको त्यहाँ स्थित प्रहरी चौकीले जानकारी दिएका छन् ।
कुलतमा फसेका ती क्षेत्रका युवकहरुलाई सम्बन्धित क्षेत्रका प्रहरी चौंकीमा बोलाएर बाबुआमाको रोहबरमा सम्झाई बुझाई गरेर पठाएको ईलाका प्रहरी तुल्सीपुरले जनाएको छ ।
त्यसैगरी धरै अपराध र ड्रग्सहरुको चलहलपहल हुने क्षेत्रलाई पनि प्रहरीले निगरानीमा राखेको छ ।
प्रहरीको सूचिमा परेका संवेदनशिल क्षेत्र
प्रहरीको संवेदनशील सूचिमा परेका तुलसीपुरको रानी जरुवा, बरुवागाउँ, महेन्द्र स्कुल, संगीतनगर टोल, हिमाल बोडीङ स्कुल क्षेत्र, गोटीखोलालाई प्रहरीले उच्च निगरानीमा राखेको छ ।
यी क्षेत्रमा घटना घटेको पाँच मिनेटमा पुग्ने गरी प्रहरीले चारवटा क्युआरटी प्रहरीको टोलीलाई तयारी अवस्थामा राखेको छ । त्यसैगरी यी सम्भावित जोखिम क्षेत्रलाई आधार बनाएर प्रहरीले गाडी सहितको मोबाईल टोलीलाई पनि परिचालन गरेको छ ।
एक महिनामा लागुऔषध र गुण्डागर्दी नियन्त्रण गर्ने दाबी गरेका ईलाका प्रहरी कार्यालय तुलसीपुरका इन्चार्ज तथा प्रहरी नायव उपरीक्षक शिवबहादुर सिहले तुलसीपुर क्षेत्रमा हुने गरेका अपराधका प्रकृतिको विषयमा गहिरो अध्यन गरिरहेको बताउनुभयो ।
‘मेलै तुलसीपुर क्षेत्रमा हुने अपराधलाई हेरे । सबै भन्दा बढी दुव्र्यसनी र मापसे भएको पाएँ ,’ त्यसैले त्यस्ता व्यक्तिको पहिचानका लागि मातहतका युनिटहरुलाई परिचालन गरेर लगत संकल गरेको छु ।’
अपराध नियन्त्रणमा लाग्नु प्रहरीको नियमित काम भएपनि अलि फरक ढंगले तुलसीपुर क्षेत्रमा हुने क्राईमलाई नियन्त्रण गर्न लागि परेको प्रनाउ सिहले बताउनुभयो ।
घटना हरेक समुदायमा हुने त्यहाँका समुदायलाई प्रहरीलाई भन्दा पहिला जानकारी हुने भएकाले अपराध नियन्त्रणका लागि गाउँ गाउँमा पुगेर स्थानीयसंग छलफल गरिहेको उहाँले बताउनभयो ।
चुल्ठे मुन्द्रेको कपाल काट्दै तुलसीपुर प्रहरी
ईलाका प्रहरी कार्यालय तुलसीपुरले एकै दिन १५ जना युवकको कपाल काटेको छ । अपराध नियन्त्रण अभियानमा जुटेको प्रहरीले तुलसीपुर बजारबाट नियन्त्रणमा लिएका ती युवकहरुको कपाल बाबु–आमाको सहमतिमा काटेको हो ।
समाजमा उछृङखल, गतिविधि गर्ने, लागुऔषध सेवन गर्ने, कानमा मुन्द्रा लगाएका र गाउँ समाजमा होहल्ला गर्दै हिड्ने ती युवकहरुको आचरणमा सुधार ल्याउन कपाल काटिएको ईलाका प्रहरी कार्यालय तुलसीपुरका प्रहरी निरीक्षक तथा प्रवक्ता चक्र डम्बरपालले जानकारी दिनुभयो ।
‘जसको पायो त्यसको कपाल काट्दैनौ,’ प्रवक्ता डम्बरपालले भन्नुभयो –‘जसले समाजमा हुलहुज्जगत गर्छ । उछृङखुल गतिविधि गर्छ । लागुऔषध दुव्र्यसनी छ । त्यस्तालाई नियन्त्रणमा लिएर बाबु–आमाको सहमतिमा कपाल काटिदिन्छौं ।’
नियन्त्रणमा लिएका युवकहरुलाई कपाल काटेर आउन भने पनि लगएपछि सम्पर्कमा नआएकाले नाउलाई बोलाएर कपाल काटीदिने गरेको डिएसपी सिंहले जानकारी दिनुभयो ।

कमेन्ट गर्नुहोस्
सम्बन्धित

      (धर्मेन्द्र कुमार कुर्मी ) कपिलवस्तुकाे विजयनगर गाउँपालिकामा जग्गा दाताहरुलाई शिला लेखसहित सम्मान गरिएको छ । गाउँपालिकाकाे ७ नम्बर वडा कार्यालय गणेशपुरले जग्गा दाताहरुलाई शिला लेखसहित सम्मान-पत्रले सम्मान गरेकाे छ । गाउँपालिका अध्यक्ष गाेपाल बहादुर थापाले बिहिबार एक कार्यक्रमबीच जग्गा दाताहरुलाई सम्मान-पत्रले सम्मान गरेका हुन् । यसैबीच वडाकाे डिजिटल बाेर्ड र नवनिर्मित वडा […]

(एबिसि संचार )                                                                सिन्धुलीको कमलामाई नगरपालिका–४ स्थित एनसेल टावरमा बम विष्फोट भएको छ । गएराति १ बजेतिर टावरमा प्रेशर कुकर बम विष्फोट भएको जिल्ला […]

(एबिसि संचार ) पोखरा महानागरपलिकाकी सबइन्जिनियरसहित दुई जना जनासेवाग्रहीसँग घुस लिँदालिँदै रंगेहात पक्राउ परेका छन् । पोखरा महानगरपालिकाको नक्सा शाखामा कार्यरत सबइन्जिनियर उषा किरण रोकाया र गोदार कन्सल्टेन्सीमा कार्यरत सुरज कुँवरलाई सेवाग्रहीसँग घुस लिएको आरोपमा अख्तियार दुरुपयोग अनुसन्धान आयोगको गण्डकी प्रदेश कार्यालय पोखराबाट खटिएको टोलीले घुस रकमसहित पक्राउ गरेको हो । उनीहरुको साथबाट डेढ लाख […]