२४ आषाढ २०८२, मंगलबार
08-07-2025 , Tue
×

सरकारले बिदेशबाट आउने उडान एकाएक रद्द गरेयो

Logo
प्रकाशित बुधबार, आषाढ ०३, २०७७

एबिसी संचार
काठमाडौँ सरकारले विदेशमा समस्यामा परेका नागरिकलाई स्वदेश फिर्ताका लागि तय गरेका उडान एकाएक रद्द भएका छन् ।
सम्बन्धित देशमा रहेका दूतावासले प्राविधिक कारण देखाउँदै उडान धमाधाम रद्द गर्न थालेपछि यस्तो स्थिति आएको हो । सरकारले यसअघि तय गरेको कार्यतालिका अनुसार असार २ गते संयुक्त अरब इमिरेट्स (यूएई), कतारमा रहेका नेपाली स्वेदश फर्किनु पर्ने हो । तर ती देशमा रहेका राजदूतावासले उडानहरू रद्द गर्दा त्यहाँ रहेका नेपाली स्वदेश फर्कन सकेका छैनन् । मङ्गलबारसम्म खाडी मुलुबाट पाँचवटा उडान रद्द भएका छन् ।
साउदी अरबबाट असार १ गते वा सोमबार हुने भनेको हिमालयन एयरलाइन्सको उडान रद्द भएको छ । दूतावासले प्राविधिक समस्याले उडान रद्द भएकाले रोकिएको उडान असार ४ गते हुने जनाएको छ । सरकारले साउदीमा समस्यामा परेका नेपालीलाई ल्याउन असार १ गते, ४ गते, ५ गते र १० गते उडान हुने तय भएको थियो । अरू उडानबारे दूतावासले अहिले जानकारी दिएको छैन ।
यस्तै मलेसियाबाट असार १ गते वा सोमबार हुने भनिएको उडान पनि प्राविधिक समस्या देखाउँदै रद्द भएको छ । संयुक्त अरब इमिरेट्स (यूएई)बाट असार २ गते र ४ गते वा यही मङ्गलबार र बिहीबारका लागि तय गरिएका उडान पनि दूतावासले सूचना निकालेर रद्द भएको जानकारी गराएको छ । दूतावासको सूचनामा नेपाल एअरलाइन्सले त्यहाँ समस्यामा परेका नेपाली नागरिकको स्वदेश फिर्ताका लागि तय भएका चार्टर्ड उडान प्राविधिक कारणले रद्द भएको यूएईस्थित नेपाली दूतावासले जनाएका छन् । यूएईमा समस्यामा परेका नेपालीको स्वदेश फिर्ताका लागि असार २ गते, ४ गते, ६ गते र असार ९ गते उडान तालिका तय भएको थियो । मङ्गलबारको उडान रद्द भइसकेकाले पछिल्ला उडानमा पनि असर पर्ने देखिन्छ ।
कतारको दोहाबाट मङ्गलबार र बुधबार हुने चार्टर्ड उडान रद्द भएको छ । कतारमा समस्यामा परेका नेपालीको स्वदेश फिर्ताका लागि तय भएको उडान प्राविधिक कारणले रद्द भएको कतारमा रहेको नेपाली दूतावासले जनाएको छ । अर्को उडान कहिले हुने भन्ने दूतावासले खुलाएको छैन । यसअघिको तालिका अनुसार २ गते, ३ गते, ६ गते र ८ गतेका लागि समय तय गरिएको थियो । यस्तै बहराइनबाट त्यहाँ समस्यामा परेका नेपालीको स्वदेश फिर्तीका लागि तय भएको असार ३ गते वा बुधबारको उडान पनि असार असार ७ गते हुने बहराइनस्थित नेपाली दूतावासले जनाएको छ । ओमानमा समस्यामा परेका नेपाली १६६ जना नेपाली दूतावासको तालिका अनुसार सोमबार फर्किएका छन् । दोस्रो उडान असार ४ गते हुने त्यहाँ रहेको नेपाली दूतावासले जनाएको छ । गोर्खापत्रबाट

कमेन्ट गर्नुहोस्
सम्बन्धित

बाँके । जिल्ला ट्राफिक प्रहरी कार्यालय बाँके कोहलपुरको माहतहतमा अस्थायी ट्राफिक प्रहरी पोष्टहरुले विभिन्न स्थानहरुमा,दुई पाङ्ग्रे सवारी चालकहरु, अन्य सवारी चालक ,सह चालक साईकल यात्री, सर्वसाधरणहरुलाई भेला जम्मा गराई ट्राफिक नियम ,लेन अनुशासन ,ओभेरटेक गर्ने तरिका , सडक प्रयोग गर्दा ध्यान दिनु पर्ने कुरा ,सवारी दुर्घटनाबाट बच्ने उपायका बारेमा सचेतना गरिएको बाँके जिल्ला ट्राफिक प्रहरीले […]

  दाङ । गढवा धानखोल कृषि सहकारी संस्था लगायत अन्य सहकारी संस्थामा भएको भनिएको बजेट दुरुपयोग तथा घोटालाको निष्पक्ष छानबिनको माग गर्दै गढवा गाउँपालिकामा अनसनरत रहेका स्थानीय युवा तथा सामाजिक अभियन्ता सन्देश भण्डारीले आफ्नो अनसन अन्त्य गरेका छन्। भण्डारीले उठाएका मागहरू अख्तियार दुरुपयोग अनुसन्धान आयोगसम्म पुगेको र सो मामिलामा गाउँपालिका पूर्णरूपमा सहयोग गर्न तयार रहेको […]

  काठमाडौं । संस्कृति, पर्यटन तथा नागरिक उड्डयन मन्त्रालयले यस विधेयकमा दुर्घटना, चोटपटक, अंगभंग, मृत्यु र मालसामानको क्षतिपूर्ति व्यवस्था समेटेको छ, जसमा क्षतिपूर्ति रकम पाँच गुणा वृद्धि गरिएको छ। यस विधेयकमा यात्रु, मालसामान र उडान रद्द वा स्थगनको व्यवस्था समेत समेटिएको छ, र सर्वसाधारणले राय सुझाव दिन सक्ने व्यवस्था छ। सरकारले आन्तरिक उडान क्रममा हवाईजहाज […]

error: Content is protected !!