महेन्द्र सिंह बाँके कोहलपुर जेठ ३० गते अस्पताल भर्ना भएकी बाँकेको बैजनाथ गाँउपालिका ६ कि ४६ वर्षीया महिलाको सोमबार बेलुका मृत्यु भएको थियो ।
दायाँ फोक्सामा समस्या देखिएपछि अस्पताल भर्ना गरिएकी महिलाको सोही दिन स्वाब सङ्कलन गरिएको थियो । कोरोना परीक्षणको रिपोर्ट आउनुभन्दा एक दिनपहिले नै ती महिलाको ज्यान गएको हो । मङ्गलबार आएको रिपोर्टमा ती महिलामा कोरोना सङ्क्रमण देखिएको अस्पतालका एक उच्च अधिकारीले जनाएका छन् ।
ती महिलाको आइसियुमा राखेर उपचार गरिएकोले आइसियुलाई सिल गरिएको छ भने महिलाको उपचारमा संलग्न सबै स्वास्थ्यकर्मीलाई क्वारेन्टाइनमा राखिएको स्वास्थ्य कार्यालयका काेराेना फाेकल पर्सन नरेश श्रेष्ठले बताउनुभयाे । तर अस्पतालले भने यसबारे कुनै आैपचारिक जानकारी गराएकाे छैन । बैजनाथकी महिलाको मृत्युुसँगै बाँकेमा काेराेनाबाट मर्नेको सङ्ख्या दुई पुगेकाे छ ।
यसअघि जिल्लाकाे नरैनापुरमा भारतकाे मुम्बईबाट अाएका एक युवककाे क्वारेन्टाइनमा मृत्यु भएको थियोे । झाडा पखाला लागेर नरैनापुर नयाँबस्तीका ती युवकको मृत्युपछि परीक्षण गर्दा काेराेना पुष्टि भएको थियो । गोर्खापत्रबाट

सम्बन्धित

बाँके प्रहरीले ब्राउन सुगरसहित एकजना पक्राउ

नेपाल पत्रकार महासंघको नयाँ अध्यक्षमा विपुल पोख्रेल निवार्चित

बाँके प्रहरीले रेडपाण्डाको छालासहित ४ जना पक्राउ

दाङको देउखुरी राजपुरमा आगलागी हुँदा लाखौंको नोक्सान

ज्ञानज्योती माध्यमिक विद्यार्थीले गरे सरसफाइ र राहत वितरणबाट

बर्दिया एसपी ईश्वर कार्की प्रवल जनसेवाश्रीद्वारा बिभुषित सम्मानित