१५ जेठ २०८१, मंगलबार
28-05-2024 , Tue
×

अख्तियारले भेरी अस्पतालमामाथि छानबिन सुरु गरयो

Logo
प्रकाशित बिहिबार, आषाढ ०४, २०७७

एबिसी संचार बाँके कोरोना भाइरस टेष्ट गर्ने मेशिन लगायत विभिन्न मेडिकल उपकरण खरिदमा अनियमितता भएको उजुरी परेपछि अख्तियारले भेरी अस्पतालमा छानविन थालेको हो । संघीय सरकार मातहत रहेको भेरी अस्पतालविरूद्ध अख्तियारमा उजुरी दर्ता भएको छ ।
अख्तियारका दुरुपयोग अनुसन्धान आयोग सम्पर्क कार्यालय नेपालगन्जका सूचना अधिकारी लोकमणी पाण्डेले बायो मेडिकल इक्वीपमेन्ट लगायतका मेडिकल उपकरण र औजारहरू टेण्डरबीनै खरिद गरी आर्थिक चलखेल तथा अनियमितता गरेको भन्दै भेरी अस्पतालविरूद्ध अख्तियारमा उजुरी दर्ता भएको बताए ।
दुई दिनअघि दर्ता भएको उजुरीमा कोभिड–१९ को निहुँमा अस्पतालले खरिद गरेका उपकरण तथा औजारहरू सरकारको खरिद ऐन तथा नियमावली विपरित टेण्डरबिनै खरिद गरेको उल्लेख गरिएको अख्तियारले जनाएको छ । उजुरी दर्ता भएपछि अस्पतालसँग उक्त उजुरीका बारे स्पष्टिकरण सोधिएको अख्तियारका सूचना अधिकारी पाण्डेले जानकारी दिए ।
पाण्डेका अनुसार अख्तियारले ७ दिनको म्याद दिएर भेरी अस्पताललाई बायो मेडिकल इक्वीपमेन्ट कागजजात खरिद रसिद, टेण्डर आव्हानको प्रक्रियासँग खरिदको प्रक्रियाका बारे स्पष्ट लिखित जवाफ पठाउन अख्तियारले बुधबार पत्राचार गरिसकेको छ । ‘अहिले स्पष्टिकरण सहितका कागतजात माग गरिएको छ,’ उनले भने ।
अख्तियारका सूचना अधिकारी पाण्डेले अस्पतालले कागजातसहित स्पष्टिकरण पेश गरेपछि अख्तियारले आवश्यक अनुसन्धानको प्रक्रिया अघि बढाउने बताए । भेरी अस्पतालमा कोरानाको टेष्टका तथा अन्य प्रयोजनका लागि करोड माथिको मेडिकल उपकरण खरिद गरिएको छ । उक्त उजुरीमा भेरी अस्पतालमा बायो मेडिकल इक्वीपमेन्ट खरिदमा मात्र नभई अस्पतालकै अन्य उपकरण औजार तथा विविध सामग्री खरिदमा पनि चरम आर्थिक चलखेल हुँदै आएको उल्लेख गरिएको पाण्डेले जानकारी दिए ।
अस्पतालमा दरबन्दी अनुसार कर्मचारीले आफ्नो दरबन्दीभन्दा फरक ढंग र पदमा बसेर काम गर्दा यहाँ आर्थिक चलखेल बढ्ने क्रम विगतदेखि अहिलेसम्म नरोकिएको भन्दै उक्त उजुरीमा तत्काल आवश्यकीय अनुसन्धान गर्न माग गरिएको अख्तियारले जनाएको छ । भेरी अस्पतालका मेडिकल सुपेरिटेण्डेन्ट डाक्टर प्रकाशबहादुर थापाले उजुरी परेको स्वीकार्दै अख्तियारले सामान्य सोधपुछ गरेको बताए । उनले भने, ‘हामीहरू गलत छैनौं, उजुरी पर्दैमा आत्तिनुपर्दैन ।’

कमेन्ट गर्नुहोस्
सम्बन्धित

(ABC-Sanchar) काठमाडौँ । नेपाली सेनाले सञ्चालन गर्दै आएको बङ्करदेखि ब्यारेक कार्यक्रमका लागी सरकारले १ अर्ब ५० करोड विनियोजन गरेको छ । सो कार्यक्रमका सञ्चालन गर्न आर्थिक वर्ष २०८१–०८२ का लागी १ अर्ब ५० करोड विनियोजन गरेको अर्थमन्त्री वर्षमान पुनले बजेट भाषणमार्फत जानकारी गराएका छन् । नेपाली सेनालाई प्रविधियुक्त र व्यावसायिक बनाइने अर्थमन्त्रीले बताए । सेनाले […]

(ABC-Sanchar) काठमाडौँ । बजेट भाषणबाट कर्मचारी निराश भएका छन् । आगामी आर्थिक वर्षको बजेट भाषणमा सरकारले कर्मचारीको तलब नबढाउने निर्णय गरेको हो । यस्तै सरकारले वृद्धवृद्धा र एकल महिला लगायतले पाउँदै आएको सामाजिक सुरक्षा भत्ता पनि बढेन । तर, अर्थमन्त्री वर्षमान पुनले सामाजिक सुरक्षा भत्तालाई निरन्तरता दिइएको बताए ।

(ABC-Sanchar) काठमाडौं । सरकारले आगामी आर्थिक वर्षमा ५ लाख परिवारलाई जग्गाधनी प्रमाण पुर्जा उपलब्ध गराउने भएको छ । सरकारले आगामी आर्थिक वर्षको बजेट भाषणमा भूमिसम्बन्धी समस्या समाधान आयोगमार्फत ५ लाख परिवारलाई जग्गाधनी प्रमाण पुर्जा उपलब्ध गराउने घोषणा गरेको हो ।