२४ मंसिर २०८०, आइतबार
10-12-2023 , Sun
×

विजयनगरमा वार्षिक योजना निमार्ण गर्न सर्बदलीय बैठक सम्पन्न

Logo
प्रकाशित बिहिबार, आषाढ ०४, २०७७

राम प्रघट कोरी
कपिलवस्तुको विजयनगर गाउँपालिकामा बिहिवार सर्बदलीय बैठक सम्पन्न भएको छ । आ. व. २०७७÷०७८ को वार्षिक नीति कार्यक्रम तथा वजेट निर्माणमा जुटेको गाउँपालिकाले कोभिड– १९ को महामारीका बीच गाउँपालिकास्थित विभिन्न राजनीतिक दलका नेता तथा प्रतिनिधि, समाजसेवी ,बुद्धिजीविहरुसँग छलफल गरेको हो । गाउँपालिकाले नयाँ भन्दा कोभिडका कारण सम्पन्न हुन नसकेका अधुरो र महत्वपूर्ण योजनाका कार्यलाई प्राथमिकतामा राख्दै अन्य कार्यलाई अगाडी बढाउने भएको छ । गाउँपलिकाले विश्वभरी फैलिएको कोरोना भाइरस महामारीका कारण हुन नसकेका र अधुरो विकास निमार्णका कामलाई तीव्रता दिने जनाएको छ ।
यसको साथै गाउँपालिकाले स्वास्थ्य, कृषि, शिक्षा, रोजगार र उत्पादनलाई विशेष प्राथमिकतामा राख्ने गाउँपालिका अध्यक्ष गोपाल बहादुर थापाले बताउनुभयो । गाउँपालिकाले आफ्नो नीति तथा कार्यक्रमलाई बनाइरहँदा सर्बदलीय बैठकबाट थप सल्लाह सुझाव लिई योजनालाई कार्यान्वयन गर्दै अगाडी बढाउने थापाले बताउनुभयो ।
आगामी आर्थिक वर्ष २०७७÷०७८ को बजेट निमार्णमा कोरोना भाइरस र यसले प्रभाव परेको क्षेत्रको पहिचान गरी नीति तथा कार्यक्रम र बजेट निर्माण गर्ने गाउँपालिकाले जनाएको छ ।
स्थानीय स्तरमा रहेका विभिन्न राजनीतिक दलका प्रतिनिधिहरुबाट आएका सल्लाह सुझावलाई ध्यानमा राखि अहिलेको अवस्था अनुकुल हुने गरि नीति कार्यक्रम र योजना निर्माण हनुपर्ने धारणा गाउँपालिका प्रमुख प्रशासकीय अधिकृत गोविन्द भट्टराईले व्यक्त गर्नुभएको थियो । उहाँले अमूर्त भन्दा पनि कार्यान्वयनमा लान सकिने र प्रत्यक्ष रुपमा गाउँपालिकाको विकासमा टेवा पुग्ने योजना आउनु उपयुक्त हुने बताउनुभयो ।
बैठकमा अधिकांश बोल्ने बक्ताले सहुलियत ऋण, विपद् व्यवस्थापन कोष, सामुहिक कृषि कार्यक्रम, व्यवसायिक शिक्षा, मल खाद, उन्नत बिउ विजन, कृषि सामग्री अभाव हुन नदिन सहज रुपमा बजारको व्यवस्थापन लगायतका योजना समाबेश गर्ने कुरामा जोड दिएका थिए ।

कमेन्ट गर्नुहोस्
सम्बन्धित

(एबिसि संचार ) बर्दियामा स्रोत नखुलेको २९ तोला सुनसहित दुई जना पक्राउ परेका छन् । शनिबार पक्राउ गरिएका दुई जनालाई आइतबार सुन र प्रयोग गरिएको सवारी साधनसहित प्रहरीले सार्वजनिक गरेको छ ! पक्राउ पर्नेमा बाँके नेपालगन्ज उपमहानगरपालिका–१९ राझाका २९ वर्षीय मोहन विक र कार चालक बाँके राप्ती सोनारी गाउँपालिका–२ स्थायी घर भई डुडुवा गाउँपालिका–५ जब्दहवाका […]

(एबिसि संचार ) नागढुंगाबाट बरामद भएको दुई किलो सुन प्रकरणमा थप एकजना पक्राउ परेका छन् । प्रहरीले चिनियाँ नागरिक २७ वर्षीय चेन झिवीलाई पक्राउ गरेको हो । उनलाई काठमाडौंस्थित सोह्रखुट्टेबाट पक्राउ गरिएको प्रहरीले जनाएको छ ।गएको बिहीबार राति ९स्४० बजेतिर दुई किलो अवैध सुनसहित नागढुंगाबाट तीनजनालाई पक्राउ गरेको थियो ।प्रहरीले रसुवाका २६ वर्षीय बिरु तामाङ, […]

(एबिसि संचार ) धादिङको मैदी केन्द्रबिन्दु भएर आइतबार भूकम्प गएको छ । बिहान ८ बजेर २३ मिनेट जाँदा ४.२ म्याग्निच्युडको भूकम्प गएको राष्ट्रिय भूकम्प मापन केन्द्रले जनाएको छ । धादिङ आसपासका जिल्ला र काठमाडौँमा समेत सो भूकम्पको धक्का महसुस गरिएको थियो ।