सागर थापा
दाङको तुलसीपुरमा व्यापार व्यवसाय दिउँसो १२ बजेसम्म मात्रै खुल्ने भएका छन् । तुलसीपुर उपमहानगरपालिकाको विपद् व्यवस्थापन समितिको बिहिबार बसेको बैठकले कोरोना संक्रमणको दर बढ्दै गएको अवस्थामा जोखिम न्युनिकरणका लागि भोलि(शुक्रबार)देखि लागु हुने गरी दिउँसो १२ देखि सबै बन्द गर्ने निर्णय गरेको हो ।
तर अत्यावश्यक तरकारी,दुध, औषधि, भेटनरी, कृषि, ढुवानी, बैंक, वित्तिय सेवा, बिमा लगायतका व्यवसायहरु साविककै निर्णय अनुसार संचालन हुनेछन् ।
बैठकले उपमहानगरलिकाभित्रका क्वारेन्टिनलाई थप व्यवस्थापनसहित निरन्तरता दिने, नगरका तीन ठाउँमा शब अन्त्यष्टिको व्यवस्थापन गर्ने, शब बहानका लागि प्रदेश सरकारसंग माग गर्ने, घोराही–तुलसीपुरको आवाज–जावातलाई थप सजकता अपनाउने लगायतका निर्णय गरेको छ ।
विपद व्यस्थापन समितिका संयोजक नवराज लामिछानेको अध्यक्षतामा बैठक बसेको हो । बैठकमा नगरप्रमुख घनश्याम पाण्डे, विभिन्न राजनितिक दल, इलाका प्रशासन कार्यालय, इलाका प्रहरी कार्यालय, सशस्त्र प्रहरी कार्यालय, १९ नम्बर बाहिनी, तुलसीपुर उद्योग वाणिज्य संघ लगायतका सरोकारवालाको उपस्थिति रहेको थियो ।

सम्बन्धित

दाङका राजनैतिक दलहरुले संक्रमितको उपचारलाई प्रभावकारी बनाउन माग

दाङको बेलझुण्डीबाट १४ संक्रमितले कोरोना जितेर घरमा

बाँकेलाई स्वास्थ्य आपतकाल’ घोषणा गर्न बाँके कांग्रेसको माग

बर्दिया प्रहरीले सोमबार निषेधाज्ञा अवज्ञा गर्ने १३१ जनालाई कार्वाही

बर्दियामा श्रोत नखुलेको १७ लाख ५० हजार भारतिय रूपैया सहित एकजना पक्राउ

बाँकेमा जेठ ३ गतेसम्म लकडाउन