एबिसी क्राईम ब्युरो
बाँकेको राप्तीसोनारीमा नदिजन्य सामाग्री तस्करी गरेको आरोपमा एक जनालाई प्रहरीले पक्राउ गरेको छ। पक्राउ पर्नेमा ढुङ्गा,गिटी ,बालुवा लगायत अन्य नदिजन्री सामाग्री तस्करी गर्ने भनिएका मनोज केसी रहेका छन्।
लामो समयदेखि केसीले राप्ती नदिमा जेसेबी,टिपर प्रयोग गरेर नदिजन्य सामाग्री तस्करीमा सामेल हुँदै आएको उनलाई आरोप छ। उनलाई बाँकेका प्रमुख जिल्ला अधिकारी राम बहादुर कुरुमबाङ्गको निर्देशनमा पक्राउ गरिएको हो।
केसीलाई शुक्रबार पक्राउ गरि हिरासतमा राखिएको छ। उनलाई पक्राउ गरि जिल्ला प्रशासन कार्यालयमा मुद्दा दर्ता गरि म्याद थप गरेर मुद्दा प्रक्रिया अघि बढाएको प्रजिअ कुरुमबाङ्गले बताए।गत आर्थिक बर्षमा राप्ती नदिमा नदिजन्री सामाग्री उत्खननको ठेक्का समेत पाएका केसीले राजस्व नतिरेको आरोप समेत छ।
बाँकेको प्रमुख जिल्ला अधिकारीको जिम्मेवारी सम्हालेका कुरुमबाङ्गले तस्करलाई कुनै पनि हालतमा नछाड्न सुरक्षा निकायलाई निर्देशन समेत दिएका छन् ।
केसी पक्राउ परेसगै बाँकेमा नदिजन्य सामाग्री तस्करी गर्ने गिरोहहरुमा खैलाबैला मच्चिएको छ।
