बाँके प्रहरीको एक्सन सुरु अबैध मोबाइल र अफिम सहित पक्राउ

महेन्द्र सिंह बाँके नेपालगञ्जका सम्साद अन्सारी नौ वटा मोबाइलसहित पक्राउ परेका छन् । भारतबाट भिभो र रेडमी मोबाइल बोकेर आएका अन्सारीलाई नाकामा रहेको जिल्ला प्रहरी कार्यालय बाँकेले पक्राउ गरेको हो । प्रहरीले अन्सारीलाई चेकजाँच गर्दा मोबाइल बरामद भएको थियो । अन्सारीले मोबाइल क्यारिङ गर्ने गरेको खुलेको छ ।
साथै जिल्ला प्रहरी कार्यालयको टोलीले लागु औषधका फरार अभियुक्त भगेलु कलवारलाई पक्राउ गरेको छ । १८ किलो अफिमसहित पक्राउ परेका पाँच जनाले पोलेपछि कलवार पक्राउ परेका हुन् । अरु पाँच जना असार ४ गते पक्राउ परेका थिए ।