०३ आषाढ २०८१, आइतबार
16-06-2024 , Sun
×

पत्रकार प्रियासनको गीतमा प्रताप मनोज बेबोले अभिनय गरेको भिडियो रिलिज

Logo
प्रकाशित शुक्रबार, आषाढ १२, २०७७

सागर थापा
दाङका पत्रकार एवं साहित्यकार सविन प्रियासनले आफ्नो पाँचौ गीत युट्युबमा सार्वजनिक गरेका छन् । शूत्र टिभिको युट्युबमा रिलिज गरिएको उक्त भिडियोलाई दर्शक श्रोताले पहिलो चरणमै अत्यधिक रुचाएका छन् । चर्चित गायक प्रताप दास र स्वच्छा ठकुरीको स्वर रहेको ‘मेरै सपना’ बोलको उक्त गीतलाई चर्चित सँगीतकार पुरुषोत्तम न्यौपानेले सँगीत गर्नुभएको हो ।
एप्लस स्टूडियोमा रेकर्डिङ, मिक्सिङ गरिएको गीतमा साजन शाह र नरेश बिबिसिले रेकडिष्टको भूमिका निर्वाह गर्नुभएको छ । भक्तपुरका विभिन्न स्थानमा छायांकन गरिएको उक्त भिडियोमा मोडलहरु बेबो आचार्य, मनोज वली, सुदीप प्रजापतिलगायतकाले अभिनय गर्नुभएको छ । प्रेम कथामा आधारित उक्त भिडियोको निर्देशन अमृत शाही ठकुरीले गर्नुभएको हो ।
रेज्याक खड्काले सहनिर्देशन गर्नु भएको उक्त भिडियोलाई क्यामराम्यान नरेश ऐर र ड्रोनबाट सन्तोष महराले छायांकन गर्नुभएको हो । छायांकनकाक्रममा बिनिता पुरीले मेकअपको काम गर्नु भएको उक्त भिडियोको इडिटिङको काम अनामनगर स्थित ह्वाइट मिडियाले गरेको हो । ह्वाइट मिडियाका शक्ति प्रज्ज्वल घिमिरे र बिरबहादुर थारुले इडिट तथा कलरिङ गर्नुभएको भिडियो । मर्मस्पर्शी गीत, शव्द, सँगीत र भिडियोमा समेत प्रेम कथा समावेश गरिएकाले भिडियो उत्कृष्ट बनेको निर्माण टिमको भनाइँ छ ।
करिव पाँच मिनेटको उक्त भिडियोमा फोरके क्यामरा, ड्रोनको प्रयोग गरिएको छ । भिडियोमा दुईवटा गाडीहरुको समेत प्रयोगले भिडियोको क्वालेटी बढाउने काम गरेको छ । कथा, गीत अनि शव्द अनुसार ऋंगार र पोशाकहरुको पनि प्रयोग गरेर भिडियोलाई उच्च क्वालेटीको बनाउन खोजिएको छ । दर्जनौ भिडियोमा कलाकारकारुपमा काम गर्नुभएका मनोज वली, बेबो आचार्य, सुदीप प्रजापतिको दमदार अभिनयले भिडियोले दर्शकको मन तान्न सक्ने विश्वास निर्माण टिमको छ ।
भिडियोमा श्याम कृष्ण प्रजापति, आशिष घिमिरे, सविता अधिकारी, निर्मल रोकाको पनि बेजोड अभिनय रहेको छ । शव्द र सँगीत अनुसार गायकगायीकाले पनि गीत गाएकाले उक्त गीतले धेरै दर्शक श्रोताको ओँठमा झुण्डिने विश्वास प्रियासनको छ ।

कमेन्ट गर्नुहोस्
सम्बन्धित

(ABC-Sanchar) काठमाडौं । पहिरोले मध्यपहाडी राजमार्ग अवरुद्ध पाँचथर पहिरोको जोखिम बढेपछि पाँचथरको याङवरक गाउँपालिका ३ का ६० घर परिवारलाई सुरक्षित स्थानमा सारिएको छ । साविक ओयाम गाविसका चोथ्रोक, फाक्लुङमा बसोबास गर्दै आएका ती घर परिवारलाई वडा कार्यालय, गाउँपालिका र प्रहरीको सहकार्यमा सुरक्षित ठाउँमा सारिएको हो । वडाध्यक्ष बिमल राईका अनुसार चोथ्रोकका नागरिकलाई नजिकै रहेको सेमिच्याङ […]

(सिमा गुरुङ) बुटवल । केन्द्रका समादेशक प्रहरी वरिष्ठ उपरीक्षक हिमालय कुमार श्रेष्ठबाट कार्यालयको सम्पूर्ण वस्तुस्थिति, कोत गारदको निरीक्षण साथै यस केन्द्रका प्रहरी कर्मचारीहरु र उन्नत तालिमका प्रशिक्षार्थीहरुको व्यक्तिगत टर्नआउट, ब्यारेक भवन, आदिको निरिक्षण गर्नुको साथै टर्नआउटमा उत्कृष्ट हुने पहिलो,दोश्रो र तेस्रो प्र.क. हरुलाई उत्प्रेरणा अभिवृद्धि स्वरुप “समादेशक निरिक्षण TOKEN PRIZE” समेत प्रदान गर्नुभएको थियो ।

(रोशन निधि) पर्सा । पटेर्वा सुगौली गाउँपालिका वडा नं.४ भथौडा बस्ने वर्ष २३ को अमित कुमार चौधरीले आफ्नै गाईगोठमा लागु औषध गाँजा लुकाइ छिपाइ राखिएको छ भन्ने विशेष सूचनाको आधारमा मीति २०८१-०३-०१गते अन्दाजी १६:०० बजेको समयमा यस कार्यालयबाट खटिएको प्रहरी टोलीले कानूनी रितपुर्‍याइ खानतलासी गर्दा उक्त गोठको भुषमा लुकाइ छिपाइ राखिएको लागु औषध गाँजा ७ […]