एबिसी संचार
काठमाडौ भारत हुँदै सलह नेपाल प्रवेश गरको छ । सलह बारा र सर्लाही जिल्लामा सलहको एक झुण्ड देखिएकोसंगै कृषि मन्त्रालयको आकस्मिक रुपमा बैठक बोलाएको छ।
मन्त्रालयका प्रवक्ता हरिबहादुर केसीले सलह नेपाल प्रवेश गरेकोबारे सूचना आएको त्यस बारे छलफल गर्नका लागि १ बजे आकस्मिक बैठक बस्न लागेको जानकारी दिनु भयो ।
पर्सा, बारा र सर्लाहीका केही ठाउँमा शनिबार बिहान ८ बजे सलह कीराका समूह देखिएको कृषि ज्ञान केन्द्र बाराका प्रमुख जीतेन्द्र यादवले जानकारी दिनु भयो । उहाँले सलह कीरा नेपालमा देखिएकोबारे कृषि मन्त्रालयमा जानकारी दिइएको बताउनु भयो ।
अफ्रिकी मुलुकबाट अरबियन देश हुँदै एसियाको इरान, अफगानिस्तान, पाकिस्तान र भारतसम्म आइपुगेको सलह कीरा नेपालमा पनि आएको हो।
सलह किरा करोडौंको संख्यामा हुन्छन्। यो कीराले हरियो वनस्पतिलाई छोटो समयमा पात र डाँठ समेत खाइदिन सक्छ।
यस्तै एक दिनमा १ सय ५० किलोमिटरभन्दा टाढासम्म पुग्नसक्छ।
