महेन्द्र सिंह बाँके भेरी अस्पताल नेपालगञ्जका अनुसार, कोहलपुर वडा नं. ८ मा ३५ वर्षीय र राप्तीसोनारी वडा नं. ८ मा २५ वर्षीय पुरुषमा कोरोना देखिएको हो ।
कोहलपुर र राप्तीसोनारीको २ सय २० वटा स्याम्पल जाँच गर्दा दुई जनामा पोजिटिभ आएको जिल्ला स्वास्थ्य कार्यालय, बाँकेका अधिकृत एवं कोरोनाका फोकलपर्सन नरेश श्रेष्ठले जानकारी दिनुभयो ।
योसँगै बाँकेमा कोरोना संक्रमितको संख्या ३ सय ५२ पुगेको छ । अधिकारीहरुले बाँकेमा कोरोना नियन्त्रणमा आउदै गरेको बताएका छन् ।
यसैबीच, भेरीमा गरिएको परीक्षणमा बर्दियाका चार जनामा कोरोना देखिएको छ । मधुवन वडा नं. ५ का दुई जना, ठाकुरबाबा वडा नं. ३ का एकजना र गेरुवा वडा नं. २ का एकजना रहेका छन् ।
