एबिसी संचार
दाङमा ३४ जनामा कोरोना भाइरसको संक्रमण पुष्टि भएको छ । राप्ती स्वास्थ्य बिज्ञान प्रतिष्ठानमा गरिएको स्वाब परिक्षणमा २७ पुरुष र ७ महिला गरि ३४ जनामा कोरोना भाइरसको संक्रमण पुष्टि भएको हो ।
जसमा बंगलाचुली गाउँपालिकाका १४ जना, राप्ती गाउँपालिकाका ८ जना, तुलसीपुर उपमहानगरपालिकाका ७ जना र घोराही उपमहानगरपालिकाका ५ जनामा कोरोना संक्रमण देखिएको हो । यो सँगै दाङमा कोरोना संक्रमितको संख्या ५ सय १० पुगेको छ ।
प्रतिष्ठानमा गरिएको स्वाब परिक्षणमा कपिलबस्तुका ५ जना पुरुष र रोल्पाका एक पुरुषमा पनि कोरोना भाइरसको संक्रमण देखिएको छ । प्रतिष्ठानमा अझै एक हजार ६४ जनाको स्वाब परिक्षण हुन बाँकी छ । वितेको २४ घण्टामा प्रतिष्ठानमा ६ सय ७ जनाको स्वाब परिक्षण गर्दा दाङ, कपिलबस्तु र रोल्पाको गरि ४० जनामा कोरोना भाइरसको संक्रमण पुष्टि भएको छ ।
