३० आषाढ २०८१, आइतबार
14-07-2024 , Sun
×

मल्ल र शाहीको हत्यारालाई कारबाही हुन्छ अपराधीहरुको लिस्ट बनाउदै एसपी राना

Logo
प्रकाशित सोमबार, आषाढ १५, २०७७

जिल्ला प्रहरी कार्यालय बाँकेका प्रहरी प्रमुख एसपी ओमबहादुर रानाले वसन्त मल्ल हत्याकाण्ड लगायत अन्य अपराधमा संलग्न अपराधीको लिष्ट तयार भइसकेको बताउँदै छिटै कारबाही गरिने बताएकाछन् ।
वसन्त मल्ल हत्याकाण्डमा एक दशकपछि पक्राउ परेका बाँके डुडुवा गाउँपालिका–३, का धर्मा सिंह भनिने राजेश यादवमाथि थप अनुसन्धान गरि अन्य दोषीलाई पहिचान गरि कानूनी कारबाही गर्ने उनले बताए । एसपी रानाले भने–‘वसन्त मल्ल र प्रकाश शाहीको हत्या लगायतका अपराधमा संलग्न थप अपराधीको पहिचान भइसकेकोले उनीहरुको खोजी कार्य तिव्र पारिएकोछ ।’ उनले थपे–‘यसका लागि जिल्लामा विशेष सुरक्षा टिम परिचालन गरिएकोछ ।
अपराधमा संलग्न जो सुकै होस्, जस्तो सुकै अवस्था पक्राउ गरि कानूनी कारबाही गरिने बताउँदै छिट्टै नतिजा सार्वजनिक गर्नेछौं ।’ प्रहरीले पक्राउ गरेका राजेशमाथि थप अनुसन्धान तथा कडा कारबाहीको माग गर्दै ठकुरी सहयोग सञ्जाल तथा ठकुरी पत्रकार समाजले सोमबार बिहान बाँके प्रहरी प्रमुख एसपी ओमबहादुर रानालाई भेटी दोषी उपर छानबिन गरि कारबाहीका लागि संयुक्तरुपमा ज्ञापन पत्र बुझाएका छन् । ज्ञापन पत्र बुझ्दै बाँके प्रहरी प्रमुख रानाले भने –‘यस विषयमा बाँके प्रमुख जिल्ला अधिकारी ज्यूसंग मेरो छलफल भइसकेकोछ । पीडितलाई न्याय र पीडकलाई कारबाहीका लागि बाँके प्रहरी कटिबद्ध छ । पीडित परिवारलाई शान्ति सुरक्षा प्राप्त हुन्छ ।’
एसपी रानाले थपे–‘म जहाँ गएपनि विगतमा अपराधमा संलग्न अपराधीलाई पक्राउ गरि कारबाही गर्ने प्रमुख प्राथमिकतामा राखेकोछु । यसमा सफलता पनि मिलेकोछ ।’ ज्ञापन पत्र बुझ्ने क्रममा उनले अगाडी थपे–‘पीडितको पीडा मैले महसुस गरेकोछु । अहिलेसम्म कानूनको आँँखा छलेर बस्ने अपराधी कारबाहीको दायरामा ल्याउछु ।’ एसपी रानाले बाँके जिल्ला आए लगत्तै जिल्लाको शान्ति सुरक्षा, अपराध न्यूनिकरण तथा फरार अपराधीलाई कानूनको कटघेरामा उभ्याउन विशेष सुरक्षा टोली खटाएर काम गरिरहेको बताए ।
तत्कालिन तराई जनतान्त्रिक मुक्ति मोर्चा (ज्वाला) समुहको आडमा जिल्लामा दर्जन बढि अपराध गरेका राजेश बाँके प्रहरीको सर्वाधिक खोजीको सूचीमा रहेको थियो । बाँके प्रहरीको मोस्ट वान्टेड रहेका राजेशलाई बाँके प्रहरीले असार ९ गते उनकै निवास बनकट्टिबाट पक्राउ गर्न सफल भएको हो । २०६५ साल माघ ११ गते बाँके राधापुर सैनिकका प्रकाश शाही तथा २०६६ भदौ २१ गते नेपालगन्ज २१ पुरैनाका वसन्त भनिने छन्द विक्रम मल्लको हत्यामा संलग्न पाइएका राजेशलाई प्रहरीले पक्राउ गरेको थियो ।
अपराधीलाई कानूनी दायरामा ल्याएर कारबाही गर्ने र पीडित परिवारको माग शहिद तथा परिपुरणका लागि बाँके प्रहरीले आवश्यक कदम चाल्ने प्रतिबद्धता दिदै बाँके प्रहरी प्रमुख एसपी रानाले भने मल्ल र शाहीको घटनामा दोषी भेटिएका सबैलाई एक–एक गरि खोज्दै कारबाही गर्नेछु । दोषीलाई कडा कारबाही, हत्यामा सलंग्नको पहिचान, हत्या गरिनुको कारणको माग गर्दै ठकुरी सहयोग सञ्जाल बाँकेका अध्यक्ष दीपक बहादुर शाही र ठकुरी पत्रकार समाजका अध्यक्ष करुणा शाहले संयुक्तरुपमा उक्त ज्ञापन पत्र बाँके प्रहरी प्रमुख एसपी रानालाई बुझाएका हुन् ।
हिजो (आईतबार) मात्रै दोषीलाई कारबाही र पीडितका माग सम्बोधन गराउन सञ्जाल र समाजले संयुक्तरुपमा बाँके प्रमुख जिल्ला अधिकारी रामबहादुर कुरुम्वाङ्गलाई ज्ञापन पत्र बुझाएका थिए । ज्ञापन पत्र बुझ्दै बाँके प्रमुख जिल्ला अधिकारीले आवश्यका कारबाहीका लागि पहल गर्ने प्रतिबद्धता समेत दिएका थिए ।
संस्थागत रूपमा बुझाइएको विज्ञप्तीमा भनिएको छ वसन्त मल्ल तथा प्रकाश शाहीलाई सरकारले तत्काल कुनै दुविधामा नपरि शहिद घोषणा गरि शहिदले पाउनु पर्ने सेवासुविधा उपलब्ध गराउनुपर्ने, मल्ल र शाहीको हत्यामा संलग्न थप दोषीलाई पहिचान गरि उनीहरुलाई कानूनी कठघेरामा ल्याउनुपर्ने, मल्ल र शाहीको हत्यामा संलग्न धर्मा सिहं भनिने राजेश यादवसहित अन्य फरार अभियुक्त, हत्या गरिनुको कारण, हत्या गराउन लगाउने सबैलाई पहिचान गरि कडा भन्दा कडा कानूनी कारबाही गरिनुपर्ने तथा पीडित परिवारको सदस्यहरुको जीवधनको सुरक्षा प्रत्याभुतीका लागि आवश्यक वातावरण निमार्ण गरि शान्तिसुरक्षा प्रदान गर्नुपर्ने माग गरिएकोछ ।

कमेन्ट गर्नुहोस्
सम्बन्धित

  बाँके । बाँकेको खजुरा गाउँपालिका ८ स्थित अवैध रूपमा भारतबाट भन्सार छलि ल्याइएको ब्रोईलर कुखुराको चल्ला प्रहरीले बरामद गरेको छ। प्रहरीले भारत बाट भन्सार छली पैठारी गरी ल्याउदै गरेको अवस्थामा ब्रोइलर कुखुराको चल्ला १६,०० वटा अंन्दाजी मुल्य रु. १,६०,०००।– (एक लाख साठ्ठी हजार) बराबरको बरामद गरेको हो । उक्त कुखुराका चल्ला थप कारवाहीको लागि […]

काठमाडौं । एमालेमा विष्णु पौडेल, पृथ्वी सुब्बा गुरुङ, छविलाल विश्वकर्मा, योगेश भट्टराई, पदम गिरी, एलपी सावालगायत मन्त्रीका लागि चर्चामा छन् कांग्रेसमा प्रकाशमान सिंह रमेश लेखक, जीवन परियार, किशोरसिंह राठोर, हृदयराम थानी, ऐनबहादुर शाही, अजय चौरसिया, दीपक खड्का, उदयशमशेर राणालगायत मन्त्रीका लागि चर्चामा रहेका नाम हुन् योग्य, क्रियाशील र अहिलेको परिस्थितिको सामना गर्न सक्ने सदस्य मन्त्री […]

काठमाडौं । नयाँ सरकार गठनको गृहकार्यमा जुटेका एमाले अध्यक्ष केपी शर्मा ओलीले आइतबार बिहान नयाँ मन्त्रीको सूची तयार गर्ने भएका छन्। एमालेका तर्फबाट मन्त्री चयन गर्ने अधिकार पाएका अध्यक्ष ओलीले यसपटक प्रतिनीधिसभामा निर्वाचित भएकालाई प्राथमिकतामा राखेका छन्। आइतबार राष्ट्रपतिबाट प्रधानमन्त्रीमा नियुक्त भएलगत्तै मन्त्रिपरिषद् विस्तार गर्ने तयारीमा रहेका ओलीले कांग्रेससँग पनि मन्त्रीको सूची मागिसकेका छन्। ‘पहिलो […]