एबिसी संचार
काठमाडौँ, सबैले अषाढ १५ धान दिवस मनाई रहदा बाँके जानकी गाउँपालिका ३ का किसानहरुको १५ गतेको दैनिक निक्कै तनाबमा बित्यो । नेपालगन्ज उपमहानगरपालिकाले किसानको खेतमा धान दिबसकै दिनमा नाला बनाउने बाहानामा डोजर प्रयोग गरेपछि तनाबपुर्ण बनेको हो ।
जानकी गाउँपालिकाको भुगोलमा नेपालगन्ज उपमहानगरपालिले बिना जानकारी र परामर्श प्रहरी प्रयोग गरेर खेतमा डोजर प्रयोग गरेपछि तनाब बढेको हो । जानकी गाउँपालिका ३ काइन्द्रबाली धोबी, खेतमा आली लगाउँदै थिए एक्कासी डोजर आएर खेत भत्काउन थालेपछि एक्कासी झस्किए । त्यस्तै डाबुलिया पासी, सम्सुदिन सेख पनि खेतमा ब्यस्त थिए । नगरपालिकाले पारेकाे चट्याङले उनिहरूकाे ‘मानो छरेर मुरी उब्जाउने’ सपनामाथि बज्रपात भयाे । निरासा हुदै भने जनताको लागि भनेको सरकारले यसरी दुख दिन्छ सोचेकै थिएनौँ ।
ब्यक्तिको जग्गामा १७ औ धान दिवसको अबसरमा नेपालगन्ज उपामहानगरपलिकाले कुनैपनी सूचना प्रकाशि नगरी जानकि गाउपालिका वार्ड न ३ को नक्शा न ३ क मा रहेको जग्गामा डोजर लगाएको हो । उपमहानगरले जर्बजस्त डोजर चलाएपछि जानकी गाउँपालिकाका जनप्रतिनिधहरू समेत बिरोधमा उत्रिएका छन । प्रहरीको लाठ्ठी चार्जबाट एकजना महिला गुल्सान शेखको हातमा चोट लागेको जानकी गाउँपालिका वडा नं ३ का अध्यक्ष बिन्देस्वारी बर्माले जानकारी दिए ।
अध्यक्ष बर्माले उपमहानगरले जर्बजस्त गरे सहय नहुने बताए । उनले यस्तो रबैया निरन्तर चले बिवाद चर्किने चेतावनी समेत दिए । उक्त बिषयमा जानकी गाउँपालिकाका अध्यक्ष राम निवास यादवले पनि नगरपालिकाले समन्वय नगरेर जर्बजस्त गर्न नहुने बताएका छन । तर नेपालगन्ज उपमहानगरपालिकाका मेयर डा धवलशम्सेर राणासंग यो बिषयमा बुझ्न खोज्दा सम्पर्क हुन सकेकाे छैन्।
