एबिसी संचार
हेटौँडा मकवानपुर जिल्लास्तरीय मानवअधिकार अवस्था अनुगमन समितिका संयोजक तथा गैरसरकारी संस्था महासङ्घ मकवानपुरका अध्यक्ष डा कृष्ण धितालको परिवार सवार जीप दुर्घटना हुँदा धितालकी श्रीमती र छोराको मृत्यु भएको छ।
जीपमा सवार तीन जना घाइते भएका छन् । सोमबार साँझ मुग्लिन-नारायणगढ सडकखण्डको १७ किलो भन्ने स्थानमा दुर्घटना भएको थियो । दुर्घटनामा धितालकी श्रीमती प्रभा गौतम र छोरा अनुजको मृत्यु भएको हो। स्कर्पियो जीपमा काठमाडौँबाट हेटौँडातर्फ आउने क्रममा भारतीय ग्यास बुलेटसँग ठोक्किएर दुर्घटना भएको चितवन प्रहरीले जनाएको छ ।
धितालकी श्रीमतीको उपचारका लागि अस्पताल लैजाँदै गर्दा बाटोमै मृत्यु भएको चितवन प्रहरीले जनाएको छ। छोरा अनुजको उपचारका क्रममा आज बिहान मृत्यु भएको पारिवारिक स्रोतले जनाएको छ। दुर्घटनामा परी चालक राजन घिमिरे गम्भीर घाइते भएका छन्।
यस्तै कृष्ण धिताल र छोरी वर्षा मध्यम अवस्थामा रहेको चितवन प्रहरीले जनाएको छ। धिताल परिवार सवार बा१३च ५९२९ नंको स्कर्पियो नारायणगढबाट मुग्लिङतर्फ जाँदै गरेको एनएल ०१०५१६० भारतीय नम्बरको ग्यास बुलेटसँग ठोक्किएर दुर्घटना भएको हो ।

सम्बन्धित

पूर्वपश्चिम लोक मार्ग सिमरामा टाटा सुमो दुर्घटना हुँदा ८ जना घाइते

ट्रकको ठक्करबाट असईको मृत्यु

सर्लाहीको २८ वर्षीय पत्रकार अभिषेक यादवको मोटरसाइकल दुर्घटनामा मृत्यु

बाँकेको शमशेरगन्जमा शुक्रबार राति बस र ट्रक ठोक्किँदा ७ जनाको मृत्यु २० जना घाइते

पाल्पामा स्कोर्पियो दुर्घटना ६ जना घाइते

दाङको बंगलाचुलीमा टिप्परको ठक्करबाट एक जना गम्भिर घाइते सडक अबरुद्ध