सागर थापा
दाङ प्रहरीले मङ्गलबार दिउँसो दाङको शान्तीनगर गाउँपालिका वडा नम्बर २ का वडाअध्यक्ष फर्सराम डाँगीलाई कार्यालयमै गई कुटपिट गरेको आरोपमा तीन जनालाई पक्राउ गरेको जनाएको छ ।
पक्राउ पर्नेमा शान्तिनगर गाउँपालिका वडा नम्बर ४ घर भइ हाल तुलसीपुर ५ मासुमार्केट बस्ने बर्ष २९ का अर्जुन शाही, शान्तिनगर २ सिमसुन्दरपुरका ५१ बर्षिय इन्द्रबहादुर वली र वडा नम्बर ३ झलनेटीका ३८ बर्षिय रेशम बहादुर बिक रहेको इलाका प्रहरी कार्यालय तुलसीपुरका प्रहरी नायब उपरीक्षक शिवबहादुर सिंहले जानकारी दिए ।
कुटपिट गर्न गएका पाँचजना मध्ये तीन जनालाई मंगलबार राति शान्तिनगर २ स्थित जङ्गलबाट पक्राउ गरिएको सिंहले बताए ।
वडाअध्यक्ष डाँगीलाई उनिहरुले मङ्गलबार दिउँसो कार्यालयमै गई फलामको रड र काठको लाठीले शरीरको शंबेदनसिल अङ्ग टाउकोमा प्रहार गरी घाइते बनाएका थिए ।
उनिहरुमाथी थप अनुसन्धान भइरहेको र ज्यान मार्ने उद्योगमा मुद्दा चलाइने प्रहरीले जनाएको छ ।
घाइते डाँगीलाई उपचारका लागि काठमाडौं लगिएको छ । डाँगीको ह्याम्स अस्पतालमा उपचार भइरहेको ईलाका प्रहरी तुल्सीपुर प्रमुख डिएसपी सिंहले जानकारी दिनुभएको छ ।

सम्बन्धित

उपराष्ट्रपति पासाङलाई उपत्यका भाइर जाननदिन निर्देशन

राष्ट्रिय परीक्षा बोर्डले जेठको तेस्रो साता एसईई परीक्षाको तयारी

देशभरको सुरक्षामा उच्च सतर्कता ठाँउमा व्यापक सुरक्षाकर्मीहरु

विमानस्थलबाट २६ हजार अमेरिकी डलरसहित बेलायती नागरिक पक्राउ

प्रहरीको थुनुवामै मृत्यु नन्दलालको शव ३ दिनपछि परिवारले बुझे

गुडीरहेको ट्याम्पुमा एक्कासी आगलागी यात्रुहरु सुरक्षित