प्रकशित मिति : १९ असार २०७७, शुक्रबार ११:१७

सागर थापा
दाङमा राप्ती स्वास्थ्य विज्ञान प्रतिष्ठानले स्वाब परिक्षणको स्थानीय तहसंग रकम मागेपछि स्वाब परिक्षण रोकिएको छ । कोरोना परिक्षणका लागि किट खरिद, कर्मचारीको तलब भत्ता बुझाउन रकम अभाव भएको भन्दै प्रतिष्ठानले स्थानीय सरकारसंग कोरोना परिक्षणको रकम मागेपछि स्वाब परिक्षण रोकिएको छ । कोरोना परिक्षण गर्न प्रतिष्ठानले प्रति स्वाव पाँच हजार ५ सय रुपैयाँ लिन थालेको हो ।
स्थानीय सरकारले भने रकम बुझाउन नसक्ने भन्दै स्वाब काठ्माण्डौ पठाउने तयारी गरेका छन् । प्रतिष्ठानले तुलसीपुर उपमहानगरपालिकालाई रकम मागेपछि आफुहरुले बुझाउन नसक्ने नगरप्रमुख घनश्याम पाण्डेले बताउनुभयो । उहाँका अनुसार प्रतिष्ठानले २५ लाख मागेको छ ।
तुलसीपुरमा वडा नम्बर ७ का अध्यक्षमा कोरोना पोजेटीभ देखिएपछि परिक्षण तत्काल गर्नुपर्ने अवस्थामा स्वाब लिन नमानेको तुलसीपुर उपमहानगरपालिकाका कोभिड–१९ फोकल पर्सन बिमल केसीले बताउनुभयो ।
प्रतिष्ठानले स्वाब परिक्षणको रकम मागेपछि संकलन गरिएको स्वाब काठ्माण्डौ पठाउने तयारी भइरहेको उहाँले बताउनुभयो । जिल्लाका अन्य पालिकासंग समन्वय गरी स्वाब परिक्षणका लागि काठ्माण्डौ पठाउन लागिएको हो ।
यसैबिच गढवा गाउँपालिकाले ३१ जनाको स्वाव संकलन गरेर परिक्षणको लागि पठाएको र प्रतिष्ठानले प्रति स्वाब पाँच हजार पाँच सय रुपैयाँ तिरे मात्रै स्वाव बुझ्ने बताएको गढवा गाउँपालिकाका अध्यक्ष सहजराम यादवले जानकारी दिनुभएको छ ।
गढवाबाट परिक्षणका लागि ल्याइएका स्वाब संकलन गरेर प्रतिष्ठानमा पठाएको अध्यक्ष यादबले जानकारी दिनुभएको छ । रकम मागेपछि घोराही ल्याइएको स्वाब फर्काइएको छ ।
केन्द्र र प्रदेश सरकारबाट रकम प्राप्त नभएको बताउदै प्रतिष्ठानले स्थानीय पालिकाबाट शुल्क लिन थालेको जनाएको छ । कोरोना परिक्षणको जिम्मेवारी पाएको राप्ती स्वास्थ्य विज्ञान प्रतिष्ठानले संकलित स्वाब परिक्षण बिना नै स्थानीय तहमा फर्काएको हो ।
गढवा गाउँपालिकाले प्रतिष्ठानले स्वाव बुझ्न नमानेपछि भैरहवाको ल्यावमा पठाएको जनाएको छ । संघीय सरकारले भने कोरोनाका बिरामीको उपचार तथा परिक्षण गर्ने अस्पताललाई अनुदान दिने घोषणा गरेको छ ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com