दाङ देउखुरी जिल्ला अदालतद्वारा ३ महिनामा ६१ वटा मुद्धाहरु फैसला

प्रकशित मिति : २० असार २०७७, शनिबार १५:४२

एबिसी संचार
दाङ देउखुरी जिल्ला अदालतले लकडाउनको अबधिमा ६१ वटा मुद्धा फच्र्यौट गरेको जनाएको छ । अदालत प्रशासनले पत्रकारहरुसंग छलफल गर्दै करिब तीन महिनाको अबधिमा ६१ वटा मुद्धा फच्र्यौट गरेको जनाएको हो ।
अदालतले भिडियो कन्फ्रेन्स मार्फत् २९ र ३२ वटा मुद्धा अदालतमा सहभागी भएर फच्र्यौट गरेको अदालतका न्यायधीश रितेन्द्र थापाले जानकारी दिनुभएको छ । यसअबिधमा अदालतले ७ वटा मुद्धाको सजाय निर्धारण गरेको छ ।
लकडाउनको समयमा सबै क्षेत्र ठप्प रहेको अबस्थामा अदालतले कार्य सञ्चालनलाई निरन्तरता दिएको छ । यस्तै लकडाउनको समयमा अदालतले ८३ वटा म्याद थप अनुमति तथा २ वटा म्याद थप अस्वीकार गरेको छ ।
त्यस्तै ५ जनालाई कैद बाफत्को रकम राख्न दिएको, ६ जनालाई बाल सुधार मार्फत् अभिभावकको जिम्मा लगाएको, ८ जनालाई उमेर अनुसारको कैद पुर्जी संशोधन गरेको र २ जनालाई जेष्ठ नागरिक अवधि घटाउने कार्य गरेको न्यायधीश थापाले जानकारी दिनुभएको छ ।
अदालतले ज्यान कसुरका १७, करणीका १४, सवारी कसुर ४, बन सम्बन्धी कसुर ९, बाल बिबाह सम्बन्धी ३, लागुऔषध २, गौवध २, नागरिकताको १, ठगीको २, अपमानको १, गर्भपतनको १, हातहतियारको १ र सरकारबादी ६३ तथा दुनियाबादी ८ मुद्धा हेरेको जनाएको छ ।।

प्रकशित मिति : २० असार २०७७, शनिबार १५:४२