३० आषाढ २०८१, आइतबार
14-07-2024 , Sun
×

किस्ता तिर्न नसक्ने भन्दै सार्वजनिक यातायात ब्यवसायीहरुले २२ गते बैंकलाई बिलबुक र चाबी बुझाउदै

Logo
प्रकाशित शनिबार, आषाढ २०, २०७७

एबिसी संचार
म्लकाठमाडौं सरकारले लकडाउन खुकुलो बनाएको धेरै दिन भइसक्यो । ब्यापार ब्यवसाय सबै चलेका छन् । सरकारी कार्यालय पनि सञ्चालनमा छन् । वजारमा मानिसहरुको चहलपहल बढेको छ ।
तर सार्वजनिक यातायातका विषयमा सरकारले निर्णय लिन नसक्दा अरवौं लगानी डुब्ने अवस्थामा पुगेको भन्दै यातायात व्यवसायीहरु आन्दोलित हुन थालेका छन् । उनीहरुले आफुहरुको समस्याका बारेमा सरकार मौन बसेको भन्दै आपत्ति जनाएका छन् ।
लकडाउनको एक सय दिन नाघ्दा आफुहरुको बैंकमा लिएको ऋणको ब्याज बढ्दै गएको, किस्ता समेत तिर्न नसक्ने अवस्थामा आएको भन्दै ब्यवसायीले आपत्ति जनाएका हुन् । बैंक तथा वित्तीय संस्थाले किस्ता र ब्याज बुझाउन बारम्बार दवाव दिइरहेको भन्दै ब्यवसायीले आउँदो असार २२ गतेदेखि सवारी साधनका ब्लुबुक र तालाचाबी बैंकलाई नै बुझाउने उद्घोष गरेका छन्।
पृथ्वी राजमार्ग बस सञ्चालक कम्पनीले बुधबार पत्रकार सम्मेलन गरी यस्तो जानकारी गराएको हो । अब सवारी साधनको किस्ता र ब्याज बुझाउन नसक्ने अवस्थामा पुगेको भन्दै यस्तो निर्णय लिन बाध्य भएको बताएका छन् । बैंक तथा वित्तीय संस्थाले कर्जा भुक्तानीको म्याद कम्तिमा ५ महिना नसारे बाध्य भएर तालाचाबी नै बुझाउने घोषणा गरेको छ।
कम्पनीका अध्यक्ष योगेन्द्रबहादुर केसीले कम्पनीमा आवद्ध १४ सय सवारी साधनको यस्तै अवस्था रहेको भन्दै सरकारलाई चेतावनी दिएका छन् । उनीहरुले आफुहरुको समस्या प्रति सरकार मौन बसेकोमा आपत्ति जनाए । उनले प्रधानमन्त्री, मन्त्री वा सांसद कसैले पनि यातायातका समस्याबारे कुरै नउठाएकोमा दुःख ब्यक्त गरेका छन् ।
पृथ्वी राजमार्ग कम्पनीमा आवद्ध १४ सय सवारी साधनमा ५ अर्ब ७० करोडको लगानी रहेको र त्यो लगानीको ७० प्रतिशत बैंक तथा वित्तीय संस्थाकै भएको उनीहरुको भनाई छ ।
नेपाल यातायात व्यवसायी राष्ट्रिय महासंघका उपाध्यक्ष ऐनकुमार शाहीले लकडाउनका कारण ३ लाख यात्रुबाहक सवारी, ६० हजार मालबाहक गाडी तथा ४० लाख मजदुरहरुको राजगारी गुमेको बताएका छन् ।

कमेन्ट गर्नुहोस्
सम्बन्धित

  बाँके । बाँकेको खजुरा गाउँपालिका ८ स्थित अवैध रूपमा भारतबाट भन्सार छलि ल्याइएको ब्रोईलर कुखुराको चल्ला प्रहरीले बरामद गरेको छ। प्रहरीले भारत बाट भन्सार छली पैठारी गरी ल्याउदै गरेको अवस्थामा ब्रोइलर कुखुराको चल्ला १६,०० वटा अंन्दाजी मुल्य रु. १,६०,०००।– (एक लाख साठ्ठी हजार) बराबरको बरामद गरेको हो । उक्त कुखुराका चल्ला थप कारवाहीको लागि […]

काठमाडौं । एमालेमा विष्णु पौडेल, पृथ्वी सुब्बा गुरुङ, छविलाल विश्वकर्मा, योगेश भट्टराई, पदम गिरी, एलपी सावालगायत मन्त्रीका लागि चर्चामा छन् कांग्रेसमा प्रकाशमान सिंह रमेश लेखक, जीवन परियार, किशोरसिंह राठोर, हृदयराम थानी, ऐनबहादुर शाही, अजय चौरसिया, दीपक खड्का, उदयशमशेर राणालगायत मन्त्रीका लागि चर्चामा रहेका नाम हुन् योग्य, क्रियाशील र अहिलेको परिस्थितिको सामना गर्न सक्ने सदस्य मन्त्री […]

काठमाडौं । नयाँ सरकार गठनको गृहकार्यमा जुटेका एमाले अध्यक्ष केपी शर्मा ओलीले आइतबार बिहान नयाँ मन्त्रीको सूची तयार गर्ने भएका छन्। एमालेका तर्फबाट मन्त्री चयन गर्ने अधिकार पाएका अध्यक्ष ओलीले यसपटक प्रतिनीधिसभामा निर्वाचित भएकालाई प्राथमिकतामा राखेका छन्। आइतबार राष्ट्रपतिबाट प्रधानमन्त्रीमा नियुक्त भएलगत्तै मन्त्रिपरिषद् विस्तार गर्ने तयारीमा रहेका ओलीले कांग्रेससँग पनि मन्त्रीको सूची मागिसकेका छन्। ‘पहिलो […]