दाङ देउखुरी कोरोना विषेश आइसोलेसन सेन्टरबाट ९ जना डिस्चार्ज

प्रकशित मिति : २१ असार २०७७, आईतवार ०९:००

बिदुर एमसी
दाङ राप्ती गाउँपालिका वडा नम्बर ३ स्थित राप्ती प्राविधिक शिक्षालयमा स्थापना गरिएको देउखुरी कोरोना विषेश आइसोलेसन सेन्टरबाट शनिबार ९ जना कोरोनाका विरामी डिस्चार्ज भएका छन् । नेपाल सरकारको मापदण्ड अनुसार १७ दिन अाइसोलेनमा उपचार पश्चात् उनीहरूलाई अाइसोलेसनबाट थप १४ दिन होम क्वारेन्टाइनमा बस्ने गरि डिस्चार्ज गरिएको अाइसोलेनमा कार्यरत अहेव रूपलाल पाण्डेले जानकारी दिएका छन् । शनिबार डिस्चार्ज हुनेमा ७ पुरूष र २ महिला रहेका छन् । जसमा घोराही उपमहानगरपालिका वडा नम्बर १२ का १ जना महिला , गढवा गाउँपालिका वडा नम्बर १, ४ र ६ का ३ जना पुरूष, राप्ती गाउँपालिका वडा नम्बर २ का १ पुरूष र १ महिला, वडा नम्बर ५, ६ र ७ का १/१ जना पुरूष रहेका छन् । उनीहरू सवै २१ देखि ५९ वर्ष उमेरका रहेका छन् ।
आइसोलेसनमा रहेका कुल ७७ जना विरामी मध्ये यस अघि असार १७ गते ८ जना डिस्चार्ज भए सँगै अव ६० जना विरामीको उपचार भइरहेको राप्ती गाउँपालिकाले जानकारी दिएको छ ।

प्रकशित मिति : २१ असार २०७७, आईतवार ०९:००