२८ आषाढ २०८२, शनिबार
12-07-2025 , Sat
×

दाङमा किर्ते गरेको आरोपमा वडा सचिवसहित तीन पक्राउ

Logo
प्रकाशित मंगलबार, आषाढ २३, २०७७

एबिसी संचार
दाङ प्रहरीले घोराही उपमहानगरपालिका वडा नम्बर १ का वडा सचिव धनबहादुर केसी र वडा नम्बर १३ को कार्यालयमा कार्यरत (खरीदार) लिलाजित नेपाली र वडा नम्बर १३ कै हेल्लो टावर नजिकै बस्ने ४९ वर्षीय हुकुम बहादुर जिसीलाई पक्राउ गरेको जिल्ला प्रहरी कार्यालय दाङका प्रहरी नायव उपरीक्षक एवम् प्रवक्ता सुमित खड्काले जानकारी दिएका छन्। पक्राउ परेका जिसी केटीका बुबा रहेको प्रहरीले जानकारी दिएको छ।
उनीहरूले जबरजस्ती करणी मुद्दामा पीडित केटीका बाबुले छोरीलाई न्याय दिलाउन छोरीको उमेर घटाउने कार्यमा पक्राउ परेका वडा सचिव केसी र खरिदार नेपालीले तत्कालीन समयमा सघाएको देखिएकाले पक्राउ गरिएको प्रहरीले जानकारी दिएको छ।
‘पक्राउ परेका वडा सचिवले २०५९ सालको जन्म मिति भएको पीडित किशोरीलाई उमेर घटाएर २०६१ साल बनाउन सघाएको देखिएकाले पक्राउ गरेका हौं,’ प्रवक्ता खड्काले भने,‘पक्रउ परेका तीन जनालाई जिल्ला अदालतबाट दश दिनको म्यादथप गरि थप अनुसन्धान भैरहेको छ।’
प्रहरीका अनुसार जबरजस्ती करणी मुद्दाका अभियुक्त युवक हाल पुर्पक्षका लागि थुनामा रहेका छन्। पीडित केटीले उमेर घटाएको तथ्य फेला पारेको दाङ देउखुरी जिल्ला अदालतमा निवेदन दिएपछि अदालतले घोराही उपमहानगरपालिकालाई उक्त विषयमा जानकारी दिन पत्राचार गरेको थियो।
घोराही उपमहानगरपालिकाले ती किशोरीको जन्म २०५९ जन्मेको प्रमाणित गरी पत्राचार गरेपछि किर्ते गर्ने सचिव र खरीदारसहित तीन जनालाई पक्राउ गरिएको प्रहरी नावय उपरीक्षक खड्काले जानकारी दिए।
पक्राउ परेका वडा नम्बर १ का वडा सचिव वडा नम्बर १३ मा कार्यरत रहदा किर्ते गरेका आरोपमा प्रहरीले पक्राउ गरेको हो। मुलुकी अपराजध संहित २०७४ को परिच्छेद २५ दफा २७६ (किर्ते गर्न नहुने) बमोजिम मुद्धा दर्ता गरेर थप अनुसन्धानलाई अघि बढाएको प्रवक्ता खड्काले जानकारी दिएका छन्।

कमेन्ट गर्नुहोस्
सम्बन्धित

दाङ । तुल्सीपुर जिल्ला प्रहरी कार्यालय दाङका प्र.उ. अर्जुन प्रसाद तिमिल्सिना यस का.मा. पाल्नु भई यस कार्यालय तथा मातहतमा कार्यरत युनिट इन्चार्जहरु र इ.प्र.का. खिलतपुर दाङका इन्चार्ज समेत यस कार्यालयमा उपस्थित भई आ- आफ्नो वडा एरियाहरुमा बर्षातको समयमा बाढी, पहिरो तथा विपदबाट हुने सम्भावित घटनाहरुलाई समयमै सजकता अपनाई स्थानिय निकाय तथा सरोकारवालाहरुसंग समन्वय गरी हुन […]

  धनगढी । जिल्ला कारागार कैलाली भित्र फेरि कुटाकुटको घटना भएको छ । स्रोतका अनुसार शनिबार भएको झगडामा एक जना कैदीको नाकमा चोट लागेको छ । लफडाको सूचना पाएपछि जिल्ला प्रहरी कार्यालय, कैलालीका प्रमुख एसपी बाल नरसिंह राणा घटनास्थल पुगेका छन् । हाल उनी कारागारमै रहेर कैदी तथा थुनुवाहरूसँग घटनाको विवरण लिँदै अनुसन्धानमा जुटिरहेका छन् […]

  बाँके । नेपालगन्ज नेपाल-भारत सीमा जमुनाहमा गरिबलाई रोकावट र धनि तथा पहुँचवालाई पुलिसकै स्कटिङमा तस्करीको समान पास दिने गरेकाे देखिएको छ । तर, गरिब, निमुखा र सर्वसाधारण नागरिक माथि भने यहाँको सशस्त्र प्रहरीले असुली आतङ्क मच्चाउँदै लाठीचार्ज गर्ने गरेकाे छ ।

error: Content is protected !!