सागर थापा
दाङ ईलाका प्रहरी कार्यालय तुलसीपुरले माघ ४ गते तुलसीपुर उपमहानगरपालिका वडा नं. ६ निवासी २२ बर्षीय जितबहादुर मल्ललाई कुटपिट गरेको आरोपमा तुलसीपुर ५ निवासी २० बर्षीय निराजन खड्का र सोही ठाउँका १८ बर्षीय रोशन थापालाई प्रहरीले पक्राउ गरेको छ ।
मल्ल मामा घरबाट आउँदै गरेको अबस्थामा तुलसीपुर १२ सडकबाटोमा कुटपिट गरि फरार रहेका उनीहरुलाई विहीबार पक्राउ गरिएको हो । उनीहरुलाई बसपार्कबाट पक्राउ गरेको ईलाका प्रहरी कार्यालय तुलसीपुरका प्रहरी प्रमुख डिएसपी शिव बहादुर सिंहले जानकारी दिनुभएको छ । मल्ललाई ज्यान मार्ने उद्देश्यले कुटपिट गरेको प्रहरीको अनुमान छ ।
