रुकुमको सुनपसल चोरीमा संलग्न तीनजना पक्राउ

प्रकशित मिति : २८ असार २०७७, आईतवार २२:१०

मनोज डागी
रुकुम पश्चिमको मुसिकोट नगरपालिका वडा नम्बर १ खलंगामा रहेको नारायणी सुनचाँदी पसलमा चोरी गर्ने तीन जनालाई जिल्ला प्रहरी कार्यालय रुकुम पश्चिम् ले पक्राउ गरेको छ। पक्राउ परेका तीनै जनालाई जिल्ला प्रहरी कार्यालय रुकुम पश्चिमले आज सार्वजनिक गरेको हो।
गत माघ ५ गते भएको चोरीमा संलग्न भएको अभियोगमा प्रहरीले जाजरकोटको भेरी नगरपालिका -३ का शसिराम बि.क ,सोही नगरपालिकाका मोहन बि क र सल्यानको दार्मा -१ का कृष्ण बि.क पक्राउ परेका हुन् ।उनिहरु युवक नै भएपनी उमेर भने प्रहरीले खुलाएको छैन। जिल्ला प्रहरी कार्यालय रुकुम पश्चिम् ले घटनाका विषयमा निरन्तर निगरानी गरीरहेको अवस्थामा शंकास्पद अवस्थामा खोजतलास गर्ने क्रममा उनिहरुलाई पक्राउ गर्न सफल भएको जिल्ला प्रहरी कार्यालय रुकुम पश्चिमका प्रहरी प्रमुख (डिएसपी )ठग बहादुर केसीले जानकारी दिनुभयो ।
आरोपितले सुन पसल बाट ८ तोला सुन चोरी गरेको स्विकार गरेका छन् ।सुन चोरीको मुद्दामा थप अनुसन्धान भइरहेको र पक्राउ परेका विरुद्ध डाँका चोरी कसुरमा मुद्दा दर्ता गरी अनुसन्धान अगाडि बढाइएको छ ।

प्रकशित मिति : २८ असार २०७७, आईतवार २२:१०