१० जेठ २०८२, शनिबार
24-05-2025 , Sat
×

रुकुममा ज्यानमार्ने उद्योग मुद्धामा ४ अभियुक्त पक्राउ वडाअध्यक्ष फरार

Logo
प्रकाशित सोमबार, आषाढ २९, २०७७

मनोज डागी
रुकुम पश्चिम पानीको मुहानका बिषयमा बिवाद हुदाँ दुई गाउँले बिच भएको झडपको घटनामा फरार ४ जनालाई प्रहरीले पक्राउ गरेको छ ।
रुकुम पश्चिमको आठबिसकोट नगरपालिका-३ का २४ बर्षिय जीवन बिक, ३५ बर्षिय बिर्ख ऐरी, २४ बर्षिय शसिराम बुढा र ३५ बर्षिय सुरेश बिकलाई प्रहरीले पक्राउ गरेको जनाएको छ । उनीहरुलाई गाउँबाटै पक्राउ गरिएको जिल्ला प्रहरी कार्यालय रुकुम पश्चिमका प्रमुख डिएसपी ठगबहादुर केसीले जानकारी दिएका छन ।
पक्राउ परेका उनीहरुलाई ज्यान मार्ने उद्योग अन्तर्गतको कसुर मुदा दर्ता भई अनुसन्धान अगाडि बढाइएको डिएसपी केसीले बताए । “घटनाका मुख्य आरोपी ४ जनालाई पक्राउ गरेका छौ,” डिएसपी केसीले भने , “घटनामा संलग्न वडाअध्यक्ष केशरमान बिक सहित अन्य फरार व्यक्तिहरुको खोजीकार्य भईरहेको छ, छिट्टै पक्राउ गछौ ।” प्रहरीका अनुसार, पक्राउ परेकाहरुको बयान, पीडितहरुको उजुरीको आधारमा घटनामा संलग्नहरुको खोजि कार्य भैरहेको छ ।
गत बैशाख २७ गतेका दिन आठबिसकोट नगरपालिका-३ को खदिमा सोहि वडाका तलिगाउँ र माथीगाउँ टोल बिच झडप भएको थियो । पानीको मुहानको लागि भवन निर्माणको विषयमा भएको झडपले राजनितिक रुप लिदा उक्त वडाका वडाध्यक्ष केशरमान विक समेतको समूहले तलिगाउँ टोलका स्थानीयलाई आक्रमण गरेपछि सुत्केरी महिला सहित ८ जना घाईते भएका थिए । स्थानीय प्रहरीले अवस्था नियन्त्रण गर्न सक्ने अवस्था नआएपछि घाईते मध्य ३ जनाको अवस्था गम्भिर भएको थियो भने घटनाका आरोेपिहरु त्यतिबेलै देखि फरार रहेका थिए ।
घटनामा परेर ४६ वर्षिय गोपाल बोहरा, २८ वर्षिय गणेश बोहरा र २९ वर्षियय मदन भण्डारी गम्भिर घाईते भएका थिए । थप उपचारको लागि जिल्ला बाहिर रिफर भएपछि उनीहरुको स्वास्थ्यमा सुधार आएको थियो । घाईते गोपाल स्थानीय तहको निर्वाचनमा नेपाली काँग्रेसको तर्फबाट वडाध्यक्ष उम्मेद्धार भई पराजित भएका थिए ।
घटनामा परेर २८ बर्षिया सुत्केरी दिल कुमारी यरी थापा, ६१ वर्षका अनन्त बुढा, ६० बर्षका अमृत बोहरा र ४६ वर्षका मोहन बोहरा घाइते भएका थिए । यी घाइतेहरु वडाका तलिगाऊँका हुन भने अर्का घाईते शशिराम बुढा माथिगाउँ टोलमा हुन् । वडाध्यक्ष विकको समूहले माथीगाउँबाट घरेलु हातहतियार सहित ढुंगामुढा प्रहार गरेपछि स्थिति अनियन्त्रित भएको थियो ।

कमेन्ट गर्नुहोस्
सम्बन्धित

  काठमाडौं । राष्ट्रिय स्वतन्त्र पार्टिका कार्यवाहक सभापति डोल प्रसाद अर्याल रसुवाको कार्यक्रम छोडेर सभापति रवि लामिछानेलाई भेट्न रुपन्देही पुगेका छन् । उनको आज रसुवा जिल्ला भेलालाई सम्बोधन गर्ने कार्यक्रम तय भएको भएपनि उनले त्यहाँ अन्य नेताहरुलाई पठाएर आफू रुपन्देही तर्फ लागेका रास्वपाका एक नेताले जानकारी दिए । शुक्रबार सर्वोच्च अदालतले सभापति रवि लामिछानेलाई थुनमुक्त […]

  रोल्पा । लिबाङ अपाङ्गता भएका व्यक्तिहरूको पहुँच र अधिकार सुनिश्चित गर्न अपाङ्गमैत्री संरचना निर्माणसम्बन्धी अन्तरक्रियात्मक कार्यक्रम आज रोल्पाको लिबाङमा सम्पन्न भएको छ। रोल्पा नेत्रहीन संघको आयोजनामा तथा सामाजिक विकास डिभिजन कार्यालय, प्युठानको आर्थिक सहयोगमा सम्पन्न कार्यक्रम संघका अध्यक्ष धना घर्ती मगरको अध्यक्षतामा सुरु भएको हो। कार्यक्रमका प्रमुख अतिथि रोल्पा नगरपालिका उपमेयर गीता आचार्य रहनुभएको […]

भारतीय अभिनेता मुकुल देवको ५४ वर्षको उमेरमा गएराती निधन काठमाडौं । भारत गएराति उनको निधन भएको भारतीय सञ्चार माध्यमले जानकारी दिएका छन्। उनको निधनको कारण खुलेको छैन। मुकुल देवले ‘दस्तक’ (१९९६) मार्फत बलिउडमा डेब्यु गरेका थिए। यो फिल्म अभिनेत्री सुष्मिता सेनको पनि डेब्यु थियो। उनले ‘सन अफ सरदार’, ‘आर… राजकुमार’, ‘जय हो’, ‘हिम्मतवाला’, ‘इत्तेफाक’ जस्ता […]

error: Content is protected !!