०६ साउन २०८१, सोमबार
22-07-2024 , Mon
×

प्रदेश प्रहरीलाई थप अधिकार दिने IGP

Logo
प्रकाशित सोमबार, आषाढ २९, २०७७

एबिसी क्राईमबिट
काठमाडौं प्रहरी महानिरीक्षक शैलेश थापा क्षेत्रीले प्रहरीको काम–कारबाही विकेन्द्रीकरण गर्ने तयारी गरेका छन् । प्रदेश प्रहरी प्रमुखहरूलाई थप अधिकार दिने उनको तयारी छ ।
सातै प्रदेशका प्रहरी प्रमुखहरूसँगको बैठकमा शुक्रबार उनले थप अधिकार दिने बताएका छन् । प्रहरी प्रदेश प्रमुखले आफ्नो प्रदेशभित्र इन्स्पेक्टरसम्मको सरुवा गर्न सक्ने अधिकार दिन लागिएको छ । त्यस्तै, पुरस्कारका लागि सिफारिसलगायत थप अधिकार दिन लागिएको उनले जानकारी दिएका छन् । प्रदेश प्रहरी प्रमुखलाई अधिकारसँगै थप जिम्मेवारी थपेर उत्तरदायी बनाउने उनको भनाइ छ ।
प्रहरी केन्द्रीकृत शैलीमा सञ्चालन हुँदै आएकोमा त्यसलाई विकेन्द्रित बनाई प्रदेशदेखि अन्य कार्यालयलाई जिम्मेवार दिने उनको तयारी छ । प्रहरीमा महानिरीक्षक अत्यधिक शक्तिशाली हुने, तर अन्य उच्च अधिकारीलाई कुनै जिम्मेवारी नै नहुने परम्परालाई उनले सुधार गर्न लागेका छन् । बिहीबार पदबहाली गरेसँगै महानिरीक्षक थापाले आफू सामूहिक निर्णयमा अघि बढ्ने बताएका थिए ।
‘नेपाली सेनासँग नयाँ सम्बन्धको सुरुवात’
नेपाली सेनाका प्रधानसेनापति पूर्णचन्द्र थापा प्रहरी प्रधान कार्यालय पुगेर नवनियुक्त महानिरीक्षक थापालाई बधाई र शुभकामना दिएका छन् । यसरी सेना प्रमुख प्रहरी प्रधान कार्यालय गएर महानिरीक्षकलाई बधाई दिएको यो पहिलोपटक हो । भेटघाटका अवसरमा प्रधानसेनापति थापा र प्रहरी महानिरीक्षक थापा क्षेत्रीबीच दुवै संगठनबीच आपसी हित, सहकार्य र समन्वयका सम्बन्धमा छलफलसमेत भएको प्रहरी प्रवक्ता डिआइजी निरजबहादुर शाहीले बताए । भेटमा प्रधानसेनापति थापाले प्रहरी महानिरीक्षक थापा क्षेत्रीलाई अनुभव र ज्ञानको संगालो रहेका पुस्तकहरू र राष्ट्रको सुरक्षाको संकेतको रूपमा रहेको राष्ट्रिय हतियार खुकुरीसमेत प्रदान गरेका थिए भने प्रहरी महानिरीक्षक थापा क्षेत्रीले प्रधानसेनापति थापालाई मायाको चिनोस्वरूप ‘मोमेन्टो’ प्रदान गरेका थिए ।
यो भेटलाई दुई सुरक्षा निकायबीच प्रहरी अधिकारीहरूले नयाँ सम्बन्धको सुरुवात भनेका छन् । पूर्वप्रहरी महानिरीक्षक उपेन्द्रकान्त अर्यालले फेसबुकमा लेखेका छन्, ‘राष्ट्रिय सुरक्षाका दुई स्तम्भ नेपाली सेना र नेपाल प्रहरीबीचको आपसी भाइचाराको लामो इतिहास छ । प्रधानसेनापति स्वयं नवनियुक्त प्रहरी महानिरीक्षकलाई बधाई दिन प्रहरी प्रधान कार्यालय पुग्नुले प्रधान सेनापतिज्यूको विशाल हृदयको परिचय दिनुका साथै नेपाल प्रहरीप्रतिको आत्मीयता पनि प्रदर्शन गरेको छ । स्नेह, प्रेम र भाइचाराको शक्ति नै सबैभन्दा ठूलो शक्ति हो ।’
यो कदमले दुई सुरक्षा निकायबीच सहकार्य बढ्ने प्रहरी अधिकारीहरू बताउँछन्। नयाँ पत्रीकाबाट

कमेन्ट गर्नुहोस्
सम्बन्धित

  बारा । ईलाका प्रहरी कार्यालय छतवा बाराबाट मिति २०८१-०४-०६ गते अन्दाजी ११:३० बजेको समयमा बिशेश सूचनाको आधारमा प्र.ब.ना.नि.सन्तोष के.सि.को कमाण्डमा खटिएको प्रहरी टोलिले जिल्ला बारा, बिश्रामपुर गाँउपालिका वडा नं.१ घोडासहन नाका स्थितमा फेटा गाउँपालिका वडा नाेमबर -६ पुरैनिया बस्ने अन्दाजी बर्ष ४१ को सैदुल्ला मिया ठकुराई माेटरसाईकल चालक र उक्त मोटरसाईकलमा पछाडि बस्ने ऐ.ऐ. […]

  दाङ । घोराही सभ्यता पाठशालाका विद्यार्थीहरूलाई फुटबल सिकाएर राष्ट्रिय तथा अन्तर्राष्ट्रियस्तरका फुटबल खेलाडी बनाउनका लागि विदेशी कोचलाई नियुक्त गरिएको हो । जसका लागि मध्य अफ्रिकाका बार्गा विलफ्रेडलाई फुटबल कोचरको रुपमा नियुक्त गरिएको सभ्यता पाठशालाले जनाएको छ । आफ्ना विद्यार्थीहरूलाई फुटबल खेलमा उत्कृष्ट बनाएर राष्ट्रिय तथा अन्तर्राष्ट्रिय खेलाडी उत्पादन गर्ने उद्देश्यका साथ बार्गालाई कोचको रुपमा […]

  कैलाली । गोदावरी नगरपालिका वडा नम्बर २ अत्तरिया स्थित हिटन भनिने अतिथि होटलबाट उनिहरु पक्राउ परेका हुन । ईलाका प्रहरी कार्यालय मालाखेतीको टोलीले उनीहरुलाई आइतबार साँझ पक्राउ गरेको हो । पक्राउ परेका तीनै जनामाथी थप अनुसन्धान कार्य भईरहेको प्रहरीले जनाएको छ ।

error: Content is protected !!