०९ जेठ २०८१, बुधबार
22-05-2024 , Wed
×

बाँके ट्राफिकले आर्थिक बर्षमा एक करोड २९ लाख ६९ हजार राजस्व संकलन

Logo
प्रकाशित शनिबार, साउन ०३, २०७७

महेन्द्र सिंह
बाँके कोहलपुरमा गत आर्थिक वर्ष २०७६/०७७ मा २३ हजार ७ सय ४३ सवारी साधन कारबाहीमा परेका छन् । उक्त कारबाहीमा एक करोड २९ लाख ६९ हजार राजस्व संकलन भएको छ । जसमा ट्रक कारबाहीबाट ३७ लाख ७४ हजार ५ सय जीपकारबाट २५ लाख ४० हजार ५ सय, मोटरसाइकलबाट २२ लाख ८५ हजार ५ सय, बसबाट २० लाख ७४ हजार ५ सय, ट्रयाक्टरबाट १५ लाख १४ हजार ५ सय, टेम्पोबाट २ लाख ९९ हजार र अन्य सवारी साधनको कारबाहीबाट २ लाख ८८ हजार ५ सय राजस्व संकलन भएको जिल्ला ट्राफिक प्रहरी प्रमुख प्रहरी निरीक्षक पविन्द्र बम बताउँछन् ।
उक्त अवधिमा ६ हजार ९ सय ५२ ट्रक, चार हजार ९ सय ८१ जीपकार, चार हजार २९ बस, तीन हजार ८ सय ७० मोटरसाइकल, दुई हजार ७ सय ६२ ट्रयाक्टर, ५ सय ४७ टेम्पो र ५ सय ४६ अन्य सवारी साधन कारबाहीमा परेको उनी बताउँछन् ।
औषतमा दिनभन्दा सबैभन्दा बढी शुक्रबार सवारी दुर्घटना हुने गरेका छन् । बाँकेमा गत आवमा १ सय ९१ सवारी दुर्घटना भएका छन् । दुर्घटनामा २ सय ५४ सवारी संलग्न रहेका छन् । उक्त अवधिमा ७३ जनाको मृत्यु भएको छ । जसमा ६ बालक, ३ बालिका, १२ महिला र ५२ जना पुरुष रहेको ट्राफिक प्रहरीको तथ्यांक छ ।
यस्तै ५ बालिका, ११ बालक, ३२ महिला र १ सय १० पुरुष गरी १ सय ५८ जना गम्भीर घाइते भएका थिए । ३ बालिका, ८ बालक, २० महिला र ९१ पुरुष गरी १२२ जना सामान्य घाइते भएका थिए । सवारी दुर्घटनामा ४० वटा पशुचौपाया पनि घाइते भएका छन् । गत आवमा सबैभन्दा धेरै १३० वटा मोटरसाइकल दुर्घटना भएका छन् भने ३३ वटा जीपकार, २३ वटा बस, १९ ट्रक, १३ साइकल, १२ टेम्पो, १० ट्रयाक्टर, ७ माइक्रो, ४ टिपर र १ वटा अन्य सवारी दुर्घटना भएका छन् । ट्राफिक प्रहरी निरीक्षक बमका अनुसार मादक पदार्थ सेवनबाट सबैभन्दा धेरै सवारी दुर्घटना भएका छन् । यात्रुको गल्ती, तीव्र गति र ओभरलोड, यान्त्रिक गडबडी, सडकको अवस्था र पशुचौपायाका कारण सवारी दुर्घटना भएका छन् । गम्भीर खालका दुर्घटनाको दर पनि उच्च छ ।

कमेन्ट गर्नुहोस्
सम्बन्धित

(ABC-Sanchar) पोखरा । मुस्ताङ तेह्र किलोमिटर लामो जोमसोम–कागबेनी सडक ११ मिटर फराकिलो बनाएर आक्सपाल्ट प्रविधिको कालोपत्र गर्न थालिएको हो। राष्ट्रिय गौरवको कालीगण्डकी कोरीडोर बेनी–जोमसोम–कोरला सडक आयोजनाअन्तर्गत् जोमसोम–कागबेनी खण्डमा कालोपत्र गर्न २०७८ असोज ४ गते रौताह–आत्रेय जेभीले २८ करोड १४ लाख रुपैयाँमा ठेक्का सम्झौता गरेको थियो। ठेकेदार कम्पन्नीका रौताहका आयोजना व्यवस्थापक सञ्जय भट्टले एक्लेभट्टी क्षेत्रमा दुई […]

(ABC-Sanchar) काठमाडौं । स्थानीय अधिकारी र सञ्चारमाध्यमले मङ्गलबार बताएका छन् । प्लेटो राज्यका सूचना आयुक्त मुसा इब्राहिम असोम्सले राज्यको राजधानीमा पत्रकारलाई भन्नुभयो, “मोटरसाइकलमा सवार दर्जनौँ बन्दुकधारीले सोमबार राति स्थानीय सरकार क्षेत्रको जुराक गाउँमा विनाशकारी आक्रमण गर्दा करिब ४० जनाको ज्यान गएको छ ।” बन्दुकधारीहरूले त्यहाँका बासिन्दामाथि अन्धाधुन्ध गोली चलाउँदा अरू धेरै घाइते भएका छन् । […]

(ABC-Sanchar) काठमाडौँ । अहिले नेपालमा स्थानीय वायु, पश्चिमी वायु र विहार आसपास रहेको न्युनचापीय प्रणालीको आंशिक प्रभाव रहेको छ । जसको प्रभावले देशका पहाडी भूभागमा आंशिक देखि साधरणतया बदली रही बाँकी भूभागमा मौसम मुख्यतया सफा रहेको छ । आज दिउँसो कोशी प्रदेश लगायत देशका पहाडी भूभागमा आंशिकदेखि साधरणतया बदली रही बाँकी भूभागमा मौसम मुख्यतया सफा […]