प्रकशित मिति : ४ श्रावण २०७७, आईतवार १५:५०

एबिसी संचार
बाँकेको कोहलपुर नगरपालिका वडा नं ४ स्थित किरणनालाको विवादित जग्गा नेत्रबिक्रम चन्द विप्लव नेतृत्वको नेपाल कम्युनिस्ट पार्टी सम्बद्ध जनसरकारले कब्जामा लिएको घोषणा गरेको छ।
विप्लवसम्बद्ध थारुवान स्वायत्त जनपरिषद नेपाल, बाँकेले करोडौ मुल्य पर्ने करिब ६ बिगाह सरकारी जग्गामा ब्यानर टासेर जग्गा आफ्नो नियन्त्रमा भएको वताएको छ । जग्गा कब्जामा लिए संगै केही समयदेखी बिबादमा रहदै आएको यस जग्गा बिवादले अब नया मोड लिने आकलन गरिएको छ ।
बाँके जिल्ला स्थित कोहलपुर ४ किरण नालाको पुर्व पश्चिम राजमार्गको दक्षिणतर्फ रहेको करोडौं मूल्य पर्ने राज्यको सार्वजनिक ६ बिघा जमिन कित्ता नम्बर ७७, ७८ र ७९ लाई भुमाफियाहरुको गिरोहले सत्ताको पहुँच र पावरको आधारमा गरिएको लुटखसोटप्रति आफ्नो जनसत्ताको गम्भीर ध्यानाकर्षण भएको बताउदै विभिन्न किसिमका लुटतन्त्र, दलालतन्त्र र माफियातन्त्र नै हाम्रो जनसत्ताको निशाना भएकाले सत्ताको केन्द्रीय नीति अनुसार नै यस सार्वजनिक जग्गा जनसत्ताको नियन्त्रणमा लिएको घोषणा गरेको छ ।
आईतवार उक्त पार्टी सम्वद्ध थारुवान स्वाय जनपरिषद नेपाल बाँकेले एक विज्ञप्ति जारी गरेर उक्त जग्गा आफ्नो सत्ताले नियन्त्रणमा लिएको कुरा पुष्टि गरेको छ । जिल्ला जनपरिषद बाँकेका प्रमुख परिबर्तनले एक विज्ञप्ति जारी गरेर उक्त कुराको पुष्टि गरेका हुन् ।
सत्ताको पहुँच र पावरमा भुमाफियाहरुको गिरोहले सार्वजनिक जग्गामाथी गरेको लुटखसोटप्रति जनसत्ताको गम्भीर ध्यानाकर्षण भएको भन्दै जिल्ला परिषद बाँकेले त्यसको भत्सर्ना समेत गरेको छ । साथै जिल्लामा विभिन्न भुमाफिया गिरोहहरुले जनविरोधी गतिविधि संचालन गरीरहेकाले जनसत्ताद्धारा त्यसको सुक्ष्म अध्ययन तथा अनुसन्धान भईरहेको समेत प्रेस वक्तब्यमा उल्लेख गरीएको छ ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com