प्रकशित मिति : ११ श्रावण २०७७, आईतवार १६:०२

महेन्द्र सिंह बाँके नेपालमा शनिबार बेलुकासम्म ३ लाख ३९ हजार १५७ जनाको कोरोना परिक्षण भएको छ । RT-PCR विधिबाट गरीएको परिक्षणमा सबैभन्दा बढि राष्ट्रिय जनस्वास्थ्य प्रयोगशाला टेकुमा ८२ हजार ३ सय ३० जनाको स्वा परिक्षण गरीएको छ भने दोस्रो सबैभन्दा बढि परिक्षण बाँकेको नेपालगन्जस्थित भेरी अस्पतालमा गरिएको छ ।
जिल्ला स्वास्थ्य कार्यालय बाँकेका अनुसार भेरी अस्पतालमा शनिबार बेलुकासम्म १९ हजार जनाको स्वाव परिक्षण गरीएको छ । जसमध्ये बाँकेका मात्र ४ सय जनामा कोरोना संक्रमण देखिएको छ भने २ जनाले कोरोना संक्रमणकै कारण ज्यान गुमाईसकेका छन । बाँकेका ३७२ जना कोरोनालाई जित्दै सकुशल घर फर्किएका छन । बाँकी रहेको २६ जनाको आईसुलेशन सेन्टरमा उपचार भईरहेको छ ।
बाँकेका अलावा भेरी अस्पतालको ल्यावमा बर्दिया, दाङ, प्युठान, रोल्पा, रुकुम लगाएत जिल्लाबाट संकलन गरीएका स्वाव समेत परिक्षण गरीएको जिल्ला स्वास्थ्य कार्यालय बाँकेका फोकल पर्सन नरेश श्रेष्ठले जानकारी दिए ।
भारतसँग जोडिएको पश्चिम नेपालको सबैभन्दा ठुलो नाका भएकाले पनि बाँके तथा आसपासका जिल्लाहरु कोरोना संक्रमणको उच्च जोखिममा रहेका छन । रोजगारीको शिलसिलामा भारत पुगेका नेपालीहरु आउने क्रम जारी रहेकाले अझैं केही समय उच्च सतर्कता अपनाउनुपर्ने अवस्था रहेको श्रेष्ठ बताउँछन ।


सम्बन्धित

दर्ता विवरण

सूचना विभाग दर्ता नंः १३२५/०७५/७६

Twitter

Contact

सम्पादक – नुकेन्द्र प्रताप सिंह-
सम्पर्क-9848262615
संचालक – सागर थापा
सम्पर्क – 9847845918
email- [email protected]

Copyright © 2015-2021 AbcSanchar.com