एबि सि सञ्चार
प्रहरीले अफिम सहित तीन जनालाई पक्राउ गरेको छ । पुथाउत्तरगंगा गाउँपालिका–१२ ओख्मा भल्का नयाँ बजार देखि जामाबगर जाने स्थानबाट शुक्रबार साझँ साढे ५ बजे प्रहरीले प्रक्राउ गरेको हो ।
उक्त स्थानबाट लागूऔषध ओसारपसार भइरहेको भन्ने सूचनाका आधारमा जिल्ला प्रहरी कार्यालयबाट प्रहरी निरीक्षक दिनेश गुरुङको नेतृत्वमा खटिएको प्रहरीले ९ किलो एक सय ग्राम अफिम सहित पुथाउत्तरगंगा गाउँपालिका दुई महिला र एक पुरुष गरी तीन जनालाई प्रहरीले पक्राउ गरेको छ ।
पुथा–१ मैकोटका ४० वर्षीय अमरजित पुन, सोही ठाउँका ३४ वर्षीया प्रतिभा पुन र वडा नम्बर ५ हुकामका ३५ वर्षीया गाइने कामीलाई पक्राउ गरिएको जिल्ला प्रहरी प्रमुख प्रहरी नायब उपरीक्षक गजुसिद्धि बज्राचार्यले जानकारी दिनुभयो ।
प्रहरीले आइतबार पत्रकार सम्मेलन गरी उनीहरूलाई सार्वजनिक गरेको छ ।शुक्रबार पक्राउ परेका तीन जनाविरुद्ध आइतबार लागूऔषध मुद्दा दर्ता गरी जिल्ला अदालतबाट म्याद थप गराएर अनुसन्धान गरिरहेको डीएसपी बज्राचार्यले बताउनुभयो ।

सम्बन्धित

SP अधिकारीको सफलता महिलाको हत्या गरि अंग बेच्ने ६ जना पक्राउ

भेरी अस्पतालमा बिरामीको चाप धेरै १२७ लाई कोरोना पुष्टि

कर्णाली प्रदेशका मुख्यमन्त्री शाही नेतृत्वको सरकार जोगियो

नयाँ ट्राफिक प्रहरी पोष्ट बर्दघाटको नवनिर्मित भवनको उदघाटन

बाँकेको भेरी अस्पतालमा उपचाररत ४९ कोरोनाको अवस्था गम्भीर

मास्क लगाउ अभियान लिएर बाँकेका सुरक्षा प्रमुखहरु सडकमा