सागर थापा
दाङ ५. नम्बर प्रदेश प्रहरी कार्यालय तुल्सीपुर दाङका प्रहरी प्रमुख प्रहरी नायब महानिरीक्षक रबिन्द्र बहादुर धानुकले कानुनको कार्यान्वयनमा कुनै पनि कम्परमाइज नहुने नझुक्ने र उच्च नैतिक आचरण र व्यवहार प्रदर्शन गरी आफ्नो पेशागत कर्तव्य पालाना पूरा गर्न प्रहरी कर्मचारीहरुलाई निर्देशन दिएका छन् । एबिसी संचारसङ कुरा गर्दै डिआइजी धानुकले
प्रतेक जिल्लाको प्रहरी कार्यालयमा आउने हरेक सेवाग्राही समक्ष प्रहरीले उच्च आचरण र व्यवहार सहित प्रस्तुत भएमा प्रहरीप्रति आम नागरिकहरुको दृष्टिकोण सकारात्मक रुपमा परिवर्तन हुने बताए । साधन स्रोतको उचित प्रयोग गरेर प्रहरीले गर्ने काम कारवाही संचालन गर्न सकेमा आगामी दिनमा संगठनले राम्रो प्रतिफल प्राप्त गर्न सक्ने उल्लेख गर्दै डिआइजी धानुकले छिटोछरितो सेवा प्रवाह गर्नेतर्फ सदैव अग्रसर हुनुपर्नेमा जोड दिए । अपराध अनुसन्धान तथा नियन्त्रणलाई थप प्रभावकारी, मजबुद तथा प्रमाणमुखी बनाउनुपर्नेमा जोड दिँदै डिआइजी धानुकले भने अपराध कार्य नयाँ चरणमा प्रवेश गरेको सन्दर्भमा प्रहरीले समेत समय अनुसार आफूलाई परिवर्तन गर्दै पुलिका नयाँ तरिका र पेशा सम्बन्धी अध्ययन गरी अगाडि बढ्नुपर्छ । हरेक जिल्लाको प्रहरी प्रमुखहरुले समस्याको पहिचान पश्चात् त्यसको समाधानतर्फ अग्रसर भएमा राज्यले अख्तियार गरेको नीति तथा निर्देशनलाई प्रभावकारी ढंगबाट संचालन गर्न सकिने उनले बताए ।
हाल कोरोना भाइरस (कोभिड-१९) को संक्रमणको अवस्थामा प्रहरी कर्मचारीले निर्वाह गरेको भूमिकाको उनले प्रशंसा गर्दै लकडाउन खुलेपछि हुन सक्ने अपराधजन्य घटनाप्रति प्रहरी कर्मचारी थप चनाखो हुनुपर्ने आवश्यकता रहेको बताए ।

सम्बन्धित

बाँके प्रहरीले अबैध कपडा पक्राउ गरी भन्सारमा बुझायो

दाङ प्रहरीले एटीएम तोडफोड गरेको आरोपमा २ जना पक्राउ

पुर्व युबराज पारसको छोरी कृर्तिकाले गरेको ट्वीट बन्यो भाइरल,के लेखेकी थिईन् ?

गुल्मबाट सेनाका बख्तरबन्द गाडी सडकमा निस्किने तयारी

एसपी कार्की आएपछी लागूऔषध कारोबारी मुद्दामा ३८ जना पक्राउ

दाङको मसोट पुलमा टिप्पर दुर्घटना हुदा ४ घण्टा सडक अवरुद्ध पछी सुचारू