एबिसी क्राईमबिट
काठमाडौं सोमबार प्रधानमन्त्री निवास बालुवाटारमा बसेको मन्त्रीपरिषदको बैठकले नेपाल प्रहरीका दुई नायब महानिरीक्षक (डीआईजी) लाई प्रहरी अतिरिक्त महानिरीक्षक (एआईजी) मा बढुवा गर्ने निर्णय गरेको छ ।
गत असार ३१ गते गृहसचिव महेश्वर न्यौपानेको अध्यक्षतामा बसेको बढुवा समितिको बैठकले नेपाल प्रहरीका डीआईजीद्वय निरजबहादुर शाही र प्रध्युम्नकुमार कार्कीलाई एआईजीमा बढुवाको लागि सिफारिस गरेको थियो । सोमबारको मन्त्रीपरिषद बैठकले सोही सिफारिसलाई सदर गर्दै नवनियुक्त दुबै एआईजीको पदस्थापन समेत गरेको छ ।
तत्कालीन एआईजी तारिणीप्रसाद लम्सालले अवकाश पाएपछि राष्ट्रिय प्रहरी प्रशिक्षण प्रतिष्ठान (प्रहरी एकेडेमी) महाराजगन्जको रिक्त कार्यकारी निर्देशकमा एआईजी प्रध्युम्नकुमार कार्कीको पदस्थापन भएको छ ।
त्यस्तै प्रहरी प्रधान कार्यालयको मानवस्रोत तथा प्रशासन बिभागको प्रमुखमा एआईजी निरजबहादुर शाहीको पदस्थापन भएको प्रहरी मुख्यालय स्रोतले जानकारी दिएको छ । एआईजी शाही र कार्की नेपाल प्रहरीमा व्यावसायिक र इमानदार अधिकृतको रुपमा परिचित छन् ।

सम्बन्धित

निर्वाचन आयोगद्वारा चुनावको लागि राजनीतिक दलसँग परामर्श सुरु

नेपाल पुलिस स्कुल र एन्फाबीच समझदारी पत्रमा हस्ताक्षर

राष्ट्रिय अनुसन्धान सूचकको हत्यारा खोज्न SP सहिको टोली फिल्डमा

माघको पहिलो साता सञ्चालनमा आउँदै काठमाडौं उपत्यकाका विद्यालयहरु

खाद्यान्न र खाने तेलको मूल्य बढ्यो

नागढुंगा प्रहरीले भन्सार छली ल्याइएका २३ थान मोबाइल पक्राउ