बाँके जिल्ला अदालतमा पाँच जना कर्मचारीसहित १२ जनामा कोरोना संक्रमण देखियो

प्रकशित मिति : १८ श्रावण २०७७, आईतवार २१:५३

महेन्द्र सिंह बाँके भेरी अस्पतालमा आज गरिएको परिक्षणमा जिल्ला अदालत बाँकेका ४०,४६,५५,२२ बर्षका पुरुष र अर्को उमेर नखुलेको पुरुषमा कोरोना संक्रमण पुष्टि भएको अस्पतालले जानकारी दिएको छ।
यस्तै नेपालगन्जको राझाँँस्थित आर्मी अस्पतालका एक जना चिकित्सकसहित अन्य दुईजना सैनिक कर्मचारीलाई कोरोना संक्रमण भएको छ। उनीहरु २३,३३ र ३४ बर्षका पुरुषहरु हुन् भने भेरीमा गरिएको परिक्षणमै दाङको आर्मी फिएका एक जना ३५ बर्षका पुरुषलाई समेत कोरोना भेटिएको छ।
यसैगरी बाँके खजुराका ३७ बर्षका पुरुषलाई पनि कोरोना संक्रमण पुष्टि भएको छ भने टीकापुरका एक जना ३२ बर्षीय पुरुष चिकित्सकसहित अर्का एकजना २६ बर्षीय पुरुषलाई कोरोना संक्रमण भएको भेरी अस्पतालले जानकारी दिएको छ।

प्रकशित मिति : १८ श्रावण २०७७, आईतवार २१:५३