महेन्द्र सिंह बाँकेको डुडुवा गाउँपालिका वडा नम्बर २ उचुवाबाबा कुटीस्थित जिर्ण रामजानकी मन्दिरको पुननिर्माण तथा मर्मत सम्भारको कार्य शुरु गरीएको छ ।
करिब एक सय ५० वर्ष पुरानो ऐतिहासिक मन्दिर जिर्ण बन्दै गएपछि त्यसको परम्परागत महत्व कायमै राख्न भौतिक संरचनालाई मर्मत गर्न लागिएको हो । ऐतिहासिक, धार्मिक तथा पर्यटकिय दृष्टिले समेत महत्वपूर्ण मानिएको उक्त मन्दिरको पुननिर्माणकालागि गाउँपालिका अध्यक्ष नरेन्द्र कुमार चौधरीले बुधबार शिलान्यास गरेका छन ।
मन्दिरको शिलान्यास गर्दै चौधरीले गाउँपालिकाभित्र थुप्रै धार्मिक मठ मन्दिर, मस्जिदहरु रहेकाले केही ऐतिहासिक संरचनाहरुलाई पुननिर्माण तथा मर्मत सम्भार गर्न शुरु गरिएको बताए । रामजानकी मन्दिरमा अष्टधातुबाट निर्मित राम, सिता, लक्ष्मण, गणेश, हनुमान, शालीग्रामको ऐतिहासिक मुर्ति राखिएका छन ।
मन्दिरमा भजन किर्तन कोठा, परिक्रमा, गर्भगिरी, स्टोर कोठा लगाएतका भौतिक संरचनाको पुननिर्माण शुरु गरिएको हो ।
बाउण्ड्रीसहित मन्दिर निमार्णका लागि करिब एक करोड लाग्ने अनुमान गरिएको छ । अहिले पहिलो चरणमा १५ लाखबाट निमार्ण थालिएको गाउँपालिकाका प्राविधिक शाखाका मदनेश्वर झाले बताए ।
करिब ५ कठ्ठा बढी जग्गामा रहेको मन्दिरको नाममा डुडुवा-६ मा १४ विगाह पक्का खेतीयोग्य जमिन समेत रहेको मन्दिरका पुजारी भग्गन महाराजले बताए ।

सम्बन्धित

सिमा बारेमा बोलेको भन्दै हुम्लाको सहायक सिडियोलाई स्पष्टिकरण

दाङको तुलसीपुरमा सवारी पार्किङ ब्यवस्थापन गर्दै ट्राफिक प्रहरी

दाङमा उद्योग तथा व्यवसाय दर्ता गर्नेको सङ्ख्या बढ्दै

बोक्सीको आरोपमा अमानवीय क्रियाकलाप रोक्न गृहको कडा निर्देशन

बत्ती आउनेजानेको समस्या तत्काल समाधान गर्न ऊर्जामन्त्रीको निर्देशन

नेपाली सेनाका २७ सहायकरथी र ३ महासेनानीको सरुवा