महेन्द्र सिंह बाँके कोरोना भाइरस संक्रमणको अवस्था जटिल बन्दै गएपछि निषेधाज्ञा बढाइएको हो ।जिल्ला स्तरीय कोभिड–१९ संकट व्यवस्थापन केन्द्र (डिसीसीएमसी)को गत मङ्गलबार बसेको बैठकले भोली शनिबार सम्मका लागि निषेधाज्ञा जारी राखेको थियो । बाँकेमा जारी निषेधाज्ञा सकिन एक दिन बाँकी रहदाँ पुनः तीनदिनका लागि निषेधेज्ञा बढाइएको बाँकेका प्रमुख जिल्ला अधिकारी रामबहादुर कुरुम्वाङले जानकारी दिए । प्रजिअ कुरुम्वाङले जिल्लामा कोरोना भाइरस संक्रमणको अवस्था झन जटिल बन्दै गएपछि उच्च सतर्कता अपनाउदै थप तीन दिनका लागि निषेधाज्ञा अवधि बढाइएको बताए । उनले आफ्नो फेसबुक वालमा एक स्टाटस सेयर गर्दै बाँकेमा निषेधाज्ञा बढाइएको जानकारी दिए । यसअघि भोली शनिबारसम्मका लागि थप गरिएको निषेधाज्ञालाई पुनः जारी राख्दै आगामी मङ्गलबार राती १२ बजे सम्मको समावधि थप गरिएको बाँके प्रमुख जिल्ला अधिकारी कुरुम्वाङ्गले बताए । पछिल्लो समय बाँकेमा समुदाय स्तरमै कोरोना पोजेटिभ केस बढ्दै गएपछि जिल्ला स्तरीय कोभिड–१९ संकट ब्यवस्थापन केन्द्रको साउन २५ गते ३ दिनका लागि र साउन २० गते बसेको बैठकले साउन २४ गते शनिबारसम्मका लागि निषेधाज्ञा जारी गरेको थियो । यसबिच बाँकेका स्वास्थ्यकर्मी, सुरक्षाकर्मी, जनप्रतिनिधी, सरकारी कर्मचारी लगायतमा कोरोना भाइरस संक्रमण देखिसकेकोछ छ भने बाँकेका ७ सरकारी कार्यालय सिल गरिएकोछ । नेपालगन्ज उपमहानगरपालिका, यातायात व्यवस्था विभाग, नेपालगन्ज आन्तरिक राजश्व कार्यालय, जिल्ला अदालत, वडा प्रहरी कार्यालय नेपालगन्ज, कारागार र ईलाका प्रहरी कार्यालय कोहलपुर सिल गरिएकोछ । जिल्ला प्रशासन कार्यालयमा बसेको केन्द्रको बैठकमा निषेधाज्ञा हटाउने की थप गर्ने भन्ने विषयमा छलफल हुदाँ थप केही दिन निषेधाज्ञा लम्बाउने निर्णय गरिएको प्रमुख जिल्ला अधिकारी कुरुम्वाङ्गले जानकारी दिए ।
