महेन्द्र सिंह
बाँके देश यतिबेला कोरोना माहामारीले आक्रान्त बनिरहेको छ ।
यतिबेला सबै क्षेत्र धरासायी बनिरहेको छ । अधिकाम्स जिल्लामा शिल, निषेधआज्ञा छ । दिनहुुँ संक्रमितको संख्या बढीरहेको छ । सबै कार्यालयका सेवा बन्द गरिएका छन । कोरोना समुदाय स्तरमै फैलिसकेको छ । ठाँउ-ठाँउमा सेना परिचालन भएका छन ।
कोरोना महामारीको जोखिम पनि उत्तिकै छ । पत्रकारलाई सेना, प्रहरीले हिड्न छुट दिएपनि कोरोना भाईरसले पक्कैपनि दिदैन होला ? यस्तो अवस्थामा एउटा पत्रकार कसरी नविकरण गराउन र नया सदस्यताको फाइल बुझाउन महासंघको कार्यालयमा जान सक्छ ?? कोरोना भाइरसले पत्रकारलाई चिन्दैन । यो जटिल अवस्थामा पत्रकारले आफ्नो सदस्यता नविकरण र नयाँ सदस्यताको फाराम कसरी बुझाउन सक्लान ?? यस विषयमा केही दिनअघि समग्र पत्रकारको समस्यालाई समेटेर पत्रकार महासंघ बाके शाखालाई मेरो नेतृत्वमा एउटा ध्यानाकर्षण पत्र बुझाएका पनि थियौ । यो विषम परिस्थितिमा महासंघ केन्द्रिय समितीले सदस्यता नविकरण र नयाँ सदस्यता फाराम बुझाउने म्याद बढाउनुको अर्को बिकल्प छैन ।
अर्को कुरा महासंघले नवीकरण शुल्क वापत वर्षको १०००/- रुपैयाको दरले शुल्क बुझाउन भनेको छ । यसअघि ५००/- का दरले शुल्क बुझाउदै आएका पत्रकार साथीहरु यसवर्ष नवीकरण शुल्क बढाएर १०००/- पुर्याउदा निराश बनेका छन । जिल्लामा चलेका अधिकाम्स संचार माध्यम बन्द अवस्थामा छन, खुलेका सन्चार माध्यमले पनि पत्रकारलाई अहिले तलब दिन नसकेको र केहीले आधा तलब दिइरहेको अवस्था छ ।
यस्तो अवस्थामा पत्रकारले २ देखी ३ वर्षको नवीकरण शुल्क बुझाउनै नसक्ने जिल्लाका आम पत्रकार साथीहरुबाट गुनासो आएको छ ।
हरेक सस्था, निकायले कोरोना महामारीलाई मध्यनजर गरेर सहुलियत दिइरहेका बेला महासंघले पनि समस्यामा परेका आफ्ना सदस्यलाई नविकरणमा केही प्रतिशत भएपनि सहुलियत दिएको खण्डमा अहिले अप्ठ्यारो अवस्थामा परेका देशभरका पत्रकारहरुले यो महामारीको समयमा पक्कैपनि राहत महसुस गर्ने थिए, अध्यक्ष ज्यु
अर्जुन ओली अध्यक्ष नेपाल प्रेस युनियन बाके
