एबिसी संचार
सल्यानमा नदिले बगाउँदा एक जनाको मृत्यु भएको छ । अविरल वर्षापछि शारदा नदीमा आएको बाढीले बगाउँदा कालिमाटी गाउँपालिका–१ लक्ष्मीपुरका लेवाराम रावतको मृत्यु भएको हो । खेतमा जाने क्रममा २५ वर्षीय रावतलाई हिजो बिहान नदीले बगाएको थियो ।
आज कालिमाटीकै दलपुरे भन्ने ठाउँमा उहाको शव फेला परेका जिल्ला प्रहरी कार्यालयले जनाएको छ । शव पोस्टमार्टमका लागि राप्ती उपक्षेत्रीय अस्पताल तुलसीपुर ल्याइएको प्रहरी नायब उपरीक्षक ढकेन्द्र खतिवडाले बताउनुभयो । दुई साताअघि पनि शारदाले बगाउँदा दलपुरेनजिकै एक बालकको मृत्यु भएको उहाले जानकारी दिनुभयो ।
