महेन्द्र सिंह बाँके जिल्ला प्रशासन कार्यालय बाँकेले बाह्य जिल्ला आवतजावतका लागि सवारी पास जारी नगर्ने भएको छ । गृह मन्त्रालयको परिपत्र अनुसार बिहीबारदेखि सवारी पास बन्द गरिएको जिल्ला प्रशासन कार्यालय बाँकेका प्रशासकीय अधिकृत हरिश्चन्द्र शर्माले जानकारी दिए ।
‘काठमाण्डौं तथा अन्य बाहिरी जिल्लाहरुमा अत्यावश्यक कामकाजमा जानकालागि सहजिकरण गर्न वितरण हुँदै आएको सवारी पास नेपाल सरकार गृह मन्त्रालयको परिपत्र अनुसार अर्को सूचना जारी नभएसम्मकालागि पूर्ण रुपमा बन्द गरीएको छ’ बिहिबार प्रशासन कार्यालयद्धारा जारी सूचनामा भनिएको छ ।
गृह मन्त्रालयले बुधबार ७७ वटै जिल्ला प्रशासन कार्यालयलाई सवारी पास बन्द गर्न परिपत्र गरेको थियो ।
