महेन्द्र सिंह बाँके स्थानीय प्रशासनले शुक्रबार रातीसम्म भन्दै जारी गरेको निषेधाज्ञा पूरा भएसँगै निषेधाज्ञा हट्ने भएको हो । बाँकेका प्रमुख जिल्ला अधिकारी रामबहादुर कुरुम्बाङले निषेधाज्ञा हट्ने जानकारी दिनुभयो । ‘अब निषेधाज्ञा थपिदैन, प्रमुख जिल्ला अधिकारी कुरुम्बाङले भन्नुभयो, हेरौं, अति नै कोरोना संक्रमित बढे भने पछि निर्णय हुन सक्छ ।’
बाँकेमा साउन १७ गतेदेखि निषेधाज्ञा जारी गरिएको थियो । यो बीचमा केही दिन त्रिभुवनचोक, बाँकेगाउँ, बसपार्क, फूल्टेक्रा एरियालाई तीन दिन सील गरिएको थियो । निषेधाज्ञा हटेपनि स्वास्थ्य सुरक्षामा सावधानी अपनाउन जरुरी देखिएको छ । मास्क लगाएर हिड्ने, बेलाबेलामा सेनिटाइजर प्रयोग गर्ने र भौतिक दुरी काम गर्नुपर्ने हुन्छ । स्थानीय प्रशासनले मास्क नलगाएर हिड्नेलाई कारबाही गर्ने जनाएको छ ।
