बाँके प्रहरीले १३ किलो गाजा पक्राउ

प्रकशित मिति : १४ भाद्र २०७७, आईतवार २०:५४

महेन्द्र सिंह बाँके प्रहरीले गाजासहित दुई जनालाई नियन्त्रणमा लिएको छ ।
बाँकेको विनौनाबाट कोहलपुरतर्फ लैजाने क्रममा कोहलपुरका विसराम थारु र मटेहियाका रामबहादुर चौधरीको साथबाट प्रहरीले १३ किलो गाजा बरामद गरेको हो ।
विनौनाबाट कम्दीको मिलनचोक भएर राँझा निस्किन थालेका उनीहरुलाई चोकमा प्रहरीले रोक्न खोज्दा भागेका थिए । मोटरसाइकल रहेका उनीहरुलाई पिछा गर्दै कमर्सा बाबा नजिक पुगेर नियन्त्रणमा लिइएको थियो । दुई वटा प्लाष्टिकको बोरा भित्र प्लाष्टिकको झोलामा गाजा राखिएको थियो ।
बाँके प्रहरी प्रवक्ता डीएसपी सुवास खड्काले गाजासहित नियन्त्रणमा लिइएका चौधरीद्वयका बारेमा अनुसन्धान भइरहेको बताउनुभयो ।

प्रकशित मिति : १४ भाद्र २०७७, आईतवार २०:५४